మహేష్ 25కి మాంత్రికుడే తోడు?

మహేష్ బాబు ప్రస్తుతం మురగదాస్ డైరెక్షన్ లో సినిమా చేస్తున్న సంగతి తెలిసిందే. హీరోగా మహేష్ కి ఇది 23వ సినిమా. తర్వాతి మూవీపై కూడా ఇప్పటికే క్లారిటీ వచ్చేసింది. శ్రీమంతుడు లాంటి బ్లాక్ బస్టర్ ఇచ్చిన దర్శకుడు కొరటాల శివతో మహేష్ మూవీ చేయనుండగా.. ఈ సినిమాని డీవీవీ దానయ్య నిర్మించనున్నాడు. ఆ తర్వాత మహేష్ తన 25వ సినిమా చేయాల్సి ఉంది.

ఇప్పటివరకూ కొరటాల తర్వాత వంశీ పైడిపల్లి దర్శకత్వంలో పీవీపీ బ్యానర్ లో మహేష్ సినిమా చేస్తాడనే టాక్ నడిచింది. కానీ సడెన్ గా లెక్కలు మారిపోయాయని అంటున్నారు. రీసెంట్ గా మహేష్ ని కలిసిన మాటల మాంత్రికుడు త్రివిక్రమ్ శ్రీనివాస్ ఓ స్టోరీ చెప్పాడట. ఆ లైన్ కు సూపర్బ్ గా ఇంప్రెస్ అయిన మహేష్ బాబు.. మూవీ చేసేందుకు వెంటనే ఒప్పేసుకున్నాడట కూడా. ఇక్కడ మరో ట్విస్ట్ ఏంటంటే.. శ్రీమంతుడు నిర్మాతలైన మైత్రి మూవీ మేకర్స్ తో త్రివిక్రమ్ శ్రీనివాస్ డైరెక్షన్ లో.. మహేష్ సినిమాకి అగ్రిమెంట్స్ కూడా అయిపోయాయనే రూమర్ ఒకటి బాగా హల్ చల్ చేస్తోంది.

స్పాట్ లో ఇంత స్పాంటేనియస్ గా డెసిషన్స్ అగ్రిమెంట్స్ అయిపోయాయంటే నమ్మడం కష్టంగా ఉంది. కానీ ఇది నిజం అయితే మాత్రం.. వంశీ పైడిపల్లికి పెద్ద షాక్ అనాల్సిందే. మహేష్ తో మూవీ కోసం ఇప్పటికే అఖిల్ సినిమాను కూడా వదులుకున్నాడు వంశీ. మరి ఈ రూమర్ పై క్లారిటీ ఇచ్చేదెవరబ్బా!

Like Us on Facebook : https://www.facebook.com/Tupakidotcom/