మ‌హేష్ మిడ్ నైట్ మ‌సాలా క‌థేంటో?

ఉన్న‌ట్టుండి బాంబ్ లాంటి ఒక ట్వీట్. దాని సారాంశం ఇలా ఉంది. సూప‌ర్ స్టార్ మ‌హేష్ న‌టించే 26వ సినిమా తాలూకా ఒక మంచి మాట చెబుతాం అంటూ ట్వీటేశారు. అయితే ఆ మంచి మాటేమిటో అంటే .. మిడ్ నైట్ లో మ‌హేష్ 26 టైటిల్ ప్ర‌క‌టించేసి లోగోని రివీల్ చేస్తార‌ని తెలుస్తోంది. నాన్చుడు లేకుండా త్వ‌ర‌త్వ‌ర‌గా సినిమా గురించిన అన్ని సంగ‌తుల్ని రివీల్ చేస్తార‌ని చెబుతున్నారు.

ఇంత‌కుముందు `మ‌హ‌ర్షి` విష‌యంలో ఏదీ రివీల్ చేయ‌కుండా దాచేస్తూ.. తెలిసీ తెలియ‌న‌ట్టు చేశారు. చివ‌రి వ‌ర‌కూ ఏదీ తెలీదు. ఆ త‌ప్పిదం ఈసారి జ‌ర‌గ‌కుండా జాగ్ర‌త్త ప‌డుతున్నార‌ట‌. మ‌హేష్ 26 కు అనీల్ రావిపూడి ద‌ర్శ‌క‌త్వం వ‌హిస్తున్న సంగతి తెలిసిందే. ప్రారంభోత్స‌వం రోజే ఎటాకింగ్ స్టైల్లో టైటిల్ ప్ర‌క‌టించ‌డం.. అలానే లోగోలు రివీల్ చేయ‌డం ద్వారా త‌న‌దైన స్టైల్ ని ఎలివేట్ చేస్తున్నాడు. ఇక మిడ్ నైట్ లో సూప‌ర్ స్టార్ కృష్ణ వీడియో బైట్ ని రివీల్ చేస్తారు. 12 గం.ల‌కు కృష్ణ బ‌ర్త్ డే సంద‌ర్భంగా కేక్ క‌టింగ్ కార్య‌క్ర‌మం ఉంటుంది.

ఇక మ‌హేష్ 26వ‌ చిత్రానికి `స‌రి లేరు నీకెవ్వ‌రూ` అనే టైటిల్ ని నిర్ణ‌యించార‌ని చెప్పుకుంటున్నారు. మ‌రి కాసేప‌ట్లో అదేనా కాదో తేలిపోనుంది. ఇక ఈ సినిమా ప్రారంభోత్స‌వం రోజునే సంక్రాంతి రిలీజ్ ప్లాన్ అని చెప్ప‌నున్నారు. జూన్ నుంచి రెగ్యుల‌ర్ చిత్రీక‌ర‌ణ సాగ‌నుంది. విజ‌య‌శాంతి ఈ చిత్రంలో మ‌హేష్ కి అత్త పాత్ర‌లో న‌టించ‌నున్నార‌ని తెలుస్తోంది. వేరొక క‌థానాయ‌కుడు న‌టిస్తార‌న్న ప్ర‌చారం సాగుతోంది. ర‌ష్మిక క‌థానాయిక‌. బండ్ల గ‌ణేష్ పాత్ర ఏంటో తెలియాల్సి ఉంది. దేవీశ్రీ సంగీతం అందిస్తారు. అనీల్ సుంక‌ర - దిల్ రాజు ఈ చిత్రాన్ని నిర్మిస్తున్నారు.