పైడిపల్లి ఇంటర్వెల్ ట్విస్ట్ తో సర్ ప్రైజ్ ఇస్తాడట!

సూపర్ స్టార్ మహేష్ బాబు ప్రస్తుతం వంశీ పైడిపల్లి దర్శకత్వంలో 'మహర్షి ' సినిమాలో నటిస్తున్నాడు. మహేష్ బాబు కెరీర్లో ఇది 25 వ చిత్రం కావడంతో ఫ్యాన్స్ తో పాటుగా సాధారణ ప్రేక్షకులు కూడా సినిమా కోసం ఎంతో ఆసక్తిగా ఎదురు చూస్తూ ఉన్నారు. ఈ సినిమాలో ఇంటర్వెల్ ఎపిసోడ్ గురించి ఒక ఇంట్రెస్టింగ్ టాక్ వినిపిస్తోంది.

ఈ సినిమాలో మహేష్ పాత్రలో రెండుమూడు షేడ్స్ ఉంటాయి. ఫస్ట్ హాఫ్ అంతా లైటర్ వెయన్ లో సాగిపోతుందట. అమెరికాలో మల్టీ మిలియనీర్ అయిన మహేష్ తన గతాన్ని చెప్పడంతో స్టార్ట్ అయ్యి.. కాలేజి ఎపిసోడ్ తో పాటు.. చదువు పూర్తి చేసుకున్న తర్వాత అమెరికా చేరడం.. అక్కడ బిజినెస్ లో భారీ విజయం సాధించడం.. ఇలా అన్నీ కవర్ అవుతాయట. కానీ ఇంటర్వెల్ బ్యాంగ్ లో తన స్నేహితుడైన నరేష్ ఇబ్బందుల గురించి తెలియడంతో ఇండియాకు వస్తాడట. ఈ ఎపిసోడ్ లోనే మహేష్ - నరేష్ ఇద్దరి జీవితాల్లో పెద్ద మార్పు తీసుకొచ్చే ట్విస్ట్ ఉంటుందట. ఈ ట్విస్ట్ తో ఆడియన్స్ సర్ ప్రైజ్ అవడం ఖాయమని అంటున్నారు. ఇక సెకండ్ హాఫ్ కాస్త ఎమోషనల్ గానే సాగుతుందట.

మరి నరేష్ జీవితంలో ఎలాంటి ఇబ్బందులు వచ్చాయి.. అది మహేష్ ను ఏవిధంగా మార్చేస్తుందో తెలియాలంటే మాత్రం సినిమా రిలీజ్ అయ్యేవరకూ వేచి చూడాల్సిందే. ఈ ఏసినిమా ఏప్రిల్ చివరి వారంలో ప్రేక్షకుల ముందుకు రానుంది. మహేష్ కు జోడీగా ఈ సినిమాలో పూజా హెగ్డే నటిస్తోంది.