జులై నుంచి మహేష్ యుద్ధభేరి

ఇటీవలే పూజా కార్యక్రమాలతో మొదలైన సరిలేరు నీకెవ్వరు ఫస్ట్ డేకి విదేశాల్లో ఉన్న కారణంగా మహేష్ బాబు అందుబాటులో లేని సంగతి తెలిసిందే. ప్రస్తుతం లండన్ లో ఇండియా క్రికెట్ మ్యాచులు ఎంజాయ్ చేస్తున్న ప్రిన్స్ త్వరలోనే తిరిగి రానున్నట్టు తెలిసింది. ముందుగా జమ్మూ కాశ్మీర్ పరిసరాల్లో యుద్ధానికి సంబంధించిన కొన్ని సన్నివేశాలు చిత్రీకరిస్తారట.

ఆ తర్వాత హైదరాబాద్ వచ్చాక రెండో షెడ్యూల్ డీటెయిల్స్ తెలుస్తాయి. రాయలసీమ ప్రాంతాల్లో కొనసాగే అవకాశం ఉన్నట్టు తెలిసింది. జులై 1 నుంచి ప్రారంభం కాబోయే కాశ్మీర్ ఎపిసోడ్లో మహేష్ తో పాటు సహచరులుగా నటించే కొందరి సీన్స్ మాత్రమే తీస్తారు. ఇక్కడికి వచ్చాక జరిపే దాంట్లో విజయశాంతితో పాటు హీరోయిన్ రష్మిక మందన్న పాల్గొంటారు

ఇంకా మొదలుకాకుండానే సరిలేరు నీకెవ్వరూ మీద భారీ అంచనాలు నెలకొన్నాయి. ఇప్పటిదాకా తీసిన నాలుగు సినిమాల్లో పరాజయం ఎరుగని దర్శకుడిగా పేరు తెచ్చుకున్న అనిల్ రావిపూడి భరత్ అనే నేను-మహర్షి తర్వాత ముచ్చటగా ఇంకో హ్యాట్రిక్ కోసం రెడీ అవుతున్న మహేష్ బాబు కాంబినేషన్ కావడంతో సహజంగానే హైప్ ఎగబాకుతుంది.

ఇదే అనుకుంటే ఇన్నాళ్లు స్క్రీన్ కు దూరంగా ఉన్న సీనియర్ నటి విజయశాంతి కంబ్యాక్ ఇవ్వడంతో అభిమానుల ఆనందం మాములుగా లేదు. వచ్చే నెల నుంచి మొదలుపెట్టి ఏకధాటిగా షూటింగ్ చేస్తూ డిసెంబర్ మొదటి వారానికి ఫస్ట్ కాపీ రెడీ అయ్యేలా ముగ్గురు నిర్మాతలు మహేష్ బాబు-దిల్ రాజు-అనిల్ సుంకరలు ప్లాన్ చేసినట్టు తెలిసింది