లండన్ లో మొదలుపెట్టనున్న మహేష్

మహేష్ బాబు లేటెస్ట్ మూవీ మురుగదాస్ దర్శకత్వంలో రూపొందుతున్న సంగతి తెలిసిందే. ఇంకా ఈ చిత్రం షూటింగ్ పూర్తి కానే లేదు. అసలు టైటిల్ కూడా అనౌన్స్ చేయలేదు కానీ.. ఏప్రిల్ 14న టైటిల్ తో కూడిన ఫస్ట్ లుక్ తో పాటు టీజర్ కూడా విడుదల చేస్తారనే అంచనాలు ఉన్నాయి.

అయితే.. టాలీవుడ్ సూపర్ స్టార్ ఇప్పటికే తన నెక్ట్స్ ప్రాజెక్టు పై కూడా దృష్టి పెట్టేయడం విశేషం. మహేష్ మరుసటి చిత్రం కొరటాల శివ దర్శకత్వంలో రూపొందనుండగా.. ఇప్పుడీ చిత్ర ప్రారంభానికి ముహూర్తం కూడా పెట్టేశారట. మే నెల మొదటివారంలో మహేష్-కొరటాల సినిమా ప్రారంభం కానుండగా.. ఈ షూటింగ్ ప్రారంభాన్ని లండన్ లో నిర్వహించనుండడం విశేషం. మే నెల నుంచే రెగ్యులర్ షూటింగ్ చేసేస్తారా.. లేక మురుగదాస్ మూవీ కంప్లీట్ అయ్యే వరకూ ఆగుతారా అనే విషయంపై మాత్రం ఇంకా క్లారిటీ లేదు. అయితే.. స్టోరీ ప్రకారం మొదట లండన్ షెడ్యూల్ నే ప్లాన్ చేశాడట కొరటాల.

ఇక్కడ సుదీర్ఘమైన షెడ్యూల్ ను పూర్తి చేసిన తర్వాత.. అప్పుడు హైద్రాబాద్ లో మిగిలిన భాగాన్ని షూట్ చేసేలా ప్లాన్ చేశారని తెలుస్తోంది. లండన్ నుంచి ఇండియా వచ్చిన ఎన్నారైగా మహేష్ నటిస్తున్న ఈ చిత్రానికి హీరోయిన్ ను ఇంకా ఫైనలైజ్ చేయాల్సి ఉంది. దేవిశ్రీ ప్రసాద్ సంగీతం అందించనుండగా.. డీవీవీ దానయ్య నిర్మాణంలో భారీ బడ్జెట్ ఈ మూవీ కోసం కేటాయించినట్లు తెలుస్తోంది.

Like Us on Facebook : https://www.facebook.com/Tupakidotcom/