కృష్ణ.. మహేష్.. గుండె బరువెక్కించే ఫోటో..!

సూపర్ స్టార్ కృష్ణ మరణం సినీ ప్రపంచాన్ని శోక సముద్రంలో ముంచి వేసింది. కృష్ణ ఇక లేరు అన్న వార్త వరల్డ్ వైడ్ గా ఉన్న సూపర్ స్టార్ కృష్ణ ఫ్యాన్స్ కి దిగ్బ్రాంతికి గురి చేసింది. ఇది నిజం కాకుండా ఉంటే బాగుండని అనుకున్న వారు ఉన్నారు.

రోధిస్తున్న హృదయాలను ఓదార్చుకుంటూ కృష్ణ చేసిన సినిమాలు.. ఆయన అందించిన సక్సెస్ లను గుర్తు చేసుకుంటున్నారు. అంతేకాదు కృష్ణ కు మాత్రమే సాధ్యమైన రికార్డుల గురించి కూడా ప్రస్తావిస్తున్నారు.  

మంగళవారం తెల్లవారుజామున 4 గంటల టైం లో కృష్ణ తుదిశ్వాస విడిచారు. సోమవారం సాయంత్రమే ట్రీట్ మెంట్ వల్ల ఎలాంటి ఉపయోగం లేదని డాక్టర్లు తేల్చి చెప్పడంతో ఫ్యామిలీ మెంబర్స్ అంతా కూడా నైట్ కల్లా హాస్పిటల్ కి చేరుకున్నారు. అర్ధరాత్రి వరకు ఉండి మళ్లీ తండ్రి మరణవార్త విని ఉదయాన్నే హాస్పిటల్ కి వచ్చారు మహేష్.

హాస్పిటల్ నుంచి ఇంటికి తెచ్చిన కృష్ణ పార్ధివ దేహాన్ని చూసి బరువెక్కిన గుండెతో కన్నీళ్లు పెట్టుకున్నారు మహేష్ బాబు. కృష్ణకి ముద్దుపెడుతూ రోధించడం చూసి అక్కడ ఉన్న వారి కళ్లు చెమ్మగిల్లాయి.    

కృష్ణ పార్ధివదేహం ముందు మహేష్ రోధిస్తున్న ఫోటో ఒకటి ప్రస్తుతం సోషల్ మీడియాలో వైరల్ గా మారింది. తమ అభిమాన హీరో మహేష్ ని ఇలాంటి పరిస్థితుల్లో చూస్తామని ఎపుడూ ఊహంచలేదని.. నీకు మేమంతా ఉన్నామంటూ ధైర్యం చెబుతున్నారు ఘట్టమనేని ఫ్యాన్స్. ఈ ఏడాది మొదట్లోనే అన్నని.. రెండు నెలల క్రితమే తల్లిని పోగొట్టుకున్న మహేష్ కి నేడు తండ్రి మరణం పెద్ద షాక్ ఇచ్చింది. ఈ పరిస్థితిలో మహేష్ బాధని ఎవరు తీర్చలేరు కానీ సూపర్ స్టార్ ఫ్యాన్స్ మాత్రం అన్నా నీ కోసం మేమంతా ఉన్నామని సోషల్ మీడియాలో కామెంట్స్ చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.