మహేష్ తో కీర్తి కాదు.. మాకే తెలీదు..

టాలీవుడ్ సూపర్ స్టార్ మహేష్ బాబు సరసన హీరోయిన్ ఛాన్స్ అంటే.. అదో జాక్ పాట్ గానే చెప్పాలి. బాలీవుడ్ హీరోయిన్స్ సైతం.. మీరు టాలీవుడ్ లో నటిస్తారా అంటే.. మహేష్ తో ఛాన్సొస్తే ఓకే అనేస్తూ ఉంటారు. మరి అలాంటి సూపర్ స్టార్ పక్కన ఛాన్స్ వచ్చిందనే రూమర్ కూడా హీరోయిన్స్ కి సంతోషం ఇస్తూంటుంది. రీసెంట్ గా మహేష్ హీరోయిన్స్ విషయంలో ఇలాంటి గాసిప్ ఒకటి షికారు చేసింది. నేను శైలజతో సక్సెస్ సాధించిన హీరోయిన్ కీర్తి సురేష్ ని.. మహేష్ బాబు-మురుగదాస్ కాంబినేషన్ లో రానున్న సినిమా కోసం హీరోయిన్ గా తీసుకోనున్నారని అన్నారు.

అంతకు ముందు కూడా పరిణీతి చోప్రా పేరుతో సహా చాలా నేమ్స్ వినిపించినా, కీర్తి సురేష్ విషయంలో ఖాయమైపోయిందన్నట్లుగా చెప్పారు. అయితే.. ఇంకా అసలు ఈ మూవీకి హీరోయిన్ ని డిసైడ్ చేయలేదంటోంది యూనిట్. మీడియాలో వస్తున్న గాసిప్పులు - రూమర్లను ఇక భరించలేకపోయిన మురుగ అండ్ కో.. ఓ అఫీషియల్ నోట్ ని మీడియాకి పంపారు. తమ సినిమాలో హీరోయిన్ గా కీర్తి సురేష్ ని తీసుకోలేదని, అసలు ఏ హీరోయిన్ ని కూడా ఫైనల్ చేయలేదని.. అప్ డేట్ ఏమన్నా ఉంటే తాము చెబ్తామని, అప్పటివరకూ ఆగాలని.. ఆ నోట్ లో వివరించారు.

దీంతో ఇప్పటి వరకూ వచ్చి రూమర్స్ అన్నిటికీ బ్రేక్ పడింది. అయితే.. ఈసారైనా మహేష్ బాబు కొత్త కాంబినేషన్ తో ముందుకు రావాలని ఫ్యాన్స్ కోరుకుంటున్నారు. ఈ మధ్య మహేష్ అన్నీ పాత ట్రెండ్ నే కంటిన్యూ చేయడం వాళ్లకు బొత్తిగా నచ్చడం లేదని చెబ్తున్నారు.