మహేష్-మురుగ.. 'వాస్కోడగామా' అంటున్నారే

టాలీవుడ్ సూపర్ స్టార్ మహేష్ బాబుతో.. తెలుగు - తమిళ భాషల్లో ఓ చిత్రాన్ని చేయనున్నాడు మురగదాస్. ఫ్యామిలీ తో కలిసి యూరోప్ టూర్ ని రీసెంట్ గా ముగించిన మహేష్.. మరికొన్ని రోజుల్లోనే ఈ చిత్రాన్ని అధికారికంగా స్టార్ట్ చేయనున్నాడు. టాలీవుడ్ టాప్ స్టార్స్ లో ఒకడైన మహేష్.. సౌతిండియా క్రేజీ డైరెక్టర్ తో జత కట్టడంతో.. ఈ ప్రాజెక్టుపై ముందునుంచి ఆసక్తి నెలకొంది.

మహేష్ బాబు- మురుగదాస్ కాంబినేషన్ లో రానున్న చిత్రానికి ఇంకా ముహూర్తం షాట్ తీయలేదు కానీ.. ఇప్పటికే కొన్ని టైటిల్స్ ప్రచారంలో ఉన్నాయి. మొదట 'చట్టానికి కళ్లు లేవు' అనే పేరు ప్రచారంలోకి రాగా.. తర్వాత 'ఎనిమీ' - అటు పిమ్మట 'జస్టిస్' అనే టైటిల్స్ కూడా వినిపించాయి. ఇప్పుడీ మూవీకి ఓ కొత్త టైటిల్ ఫిక్స్ చేశారని సన్నిహితులు అంటున్నారు. 'వాస్కోడగామా' అనే పేరుతో మహేష్ బాబు మూవీని తెరకెక్కిస్తాడట మురుగదాస్.

న్యాయవాద వ్యవస్థలో లోపాలను వెలికితీసే కాన్సెప్ట్ కావడంతో.. ఈ వాస్కోడిగామా అనే టైటిల్ కరెక్ట్ గా సూటవుతుందని డైరెక్టర్ కన్విన్స్ చేస్తున్నాడని తెలుస్తోంది. ఇప్పటికే బాలీవుడ్ బ్యూటీ పరిణీతి చోప్రాను ఈ చిత్రంలో మహేష్ కి హీరోయిన్ గా ఫైనల్ చేయగా... హారిస్ జైరాజ్ సంగీతం అందించనున్నాడు. దాదాపు 100 కోట్ల బడ్జెట్ తో ఈ సినిమాని తెరకెక్కిస్తారనే టాక్ ఉంది.