ఫోటో స్టోరి: నిత్య‌య‌వ్వ‌నుడితో న‌మ్ర‌త‌

సూప‌ర్ స్టార్ మ‌హేష్ స్టైలిష్ లుక్ గురించి చెప్పాల్సిన ప‌నే లేదు. ఆయ‌న న‌టించిన మ‌హ‌ర్షి.. శ్రీ‌మంతుడు.. భ‌ర‌త్ అనే నేను చిత్రాల‌లో ఎంతో యంగ్ గా క‌నిపించారు. ముఖ్యంగా భ‌ర‌త్ అనే నేను చిత్రంలో యువ సీఎంగా ఎంతో స్టైలిష్ గా క‌నిపించారు. ఇప్పుడు కూడా స‌ర్కార్ వారి పాట చిత్రంలో అంతే యంగ్ గా స్టైలిష్ లుక్ తో క‌నిపిస్తున్నారు మ‌హేష్.

తాజాగా `స‌ర్కార్ వారి పాట` ఆన్ లొకేష‌న్ స్టిల్ వైర‌ల్ గా మారింది. చిత్రీక‌ర‌ణ ముగించుకుని మ‌హేష్ తిరిగి ఇంటికి వ‌స్తూ ఇలా క‌నిపించారు. ఈ స్టిల్ లో అత‌డు మ‌రోసారి `భ‌ర‌త్ అనే నేను` లుక్ ని రిపీట్ చేసిన‌ట్టే క‌నిపిస్తోంది. ట‌క్కుతో అత‌డు ఎంతో స్టైలిష్ గా కనిపించారు. ఫార్మ‌ల్ డ్రెస్ లో సాఫ్ట్ అప్పియ‌రెన్స్ ఆక‌ట్టుకుంటోంది. స‌ర్కార్ వారి పాట సంక్రాంతి- 2022 రేసులో ఉన్న సంగ‌తి తెలిసిందే. ప్ర‌స్తుతం చిత్రీక‌ర‌ణ శ‌ర‌వేగంగా పూర్త‌వుతోంది. అయితే మ‌హేష్ ఈ లుక్ లో ఎంత సాఫ్ట్ గా క‌నిపిస్తున్నాడో అంతే మాస్ లుక్ తోనూ ఈ మూవీలో అల‌రించ‌నున్నాడు. మ‌హేష్ పాత్ర‌లోని డ్యూయ‌ల్ షేడ్ అభిమానుల‌కు స‌ర్ ప్రైజింగ్ గా ఉండ‌నుంది. బ్యాంక్ కుంభ‌కోణం నేప‌థ్యంలో రూపొందిస్తున్న ఈ చిత్రంలో కుంభ‌కోణం లో ఇరుక్కున్న‌ తండ్రిని కాపాడే బాధ్య‌తాయుత‌మైన‌ కొడుకుగా మ‌హేష్‌ క‌నిపిస్తాడ‌ట‌.

టీజ‌ర్ ఫెంటాస్టిక్ గా వ‌చ్చింద‌ట‌:

ఈ సినిమాకి థ‌మ‌న్ సంగీతం అందిస్తున్న సంగ‌తి తెలిసిన‌దే. త్వ‌ర‌లో రిలీజ్ కానున్న స‌ర్కార్ వారి పాట టీజ‌ర్ గురించి కొన్ని లీకులు అందాయి. టీజర్ సుమారు ఒక నిమిషం నిడివితో ర‌క్తి క‌ట్టిస్తుంది. ఇందులో మ‌హేష్ మాస్ లుక్ లో క‌నిపిస్తారు. పొడవాటి హెయిర్ క‌ట్.. లైట్ గ‌డ్డంతో మాసీ అప్పియ‌రెన్స్ స‌ర్ ప్రైజ్ చేయ‌నుంది. ఇక ఇందులో సెటైరికల్ డైలాగ్ తో అత‌డి ఎంట్రీ అదిరే రేంజులో ఉంటుంద‌ట‌. టీజ‌ర్ ఆద్యంతం మ‌హేష్ పై నేరేష‌న్ ఆస‌క్తిక‌రంగా ఉంటుంది. బీజీఎంని థ‌మ‌న్ అంతే అద్భుతంగా తీర్చిదిద్దార‌ని తెలిసింది. కీర్తి సురేష్ ఈ చిత్రంలో క‌థానాయికగా న‌టిస్తున్న సంగ‌తి తెలిసిన‌దే. ప‌ర‌శురామ్ ద‌ర్శ‌క‌త్వం వ‌హిస్తున్నారు. దుబాయ్ - హైద‌రాబాద్ స‌హా ప‌లు అంద‌మైన లొకేష‌న్ల‌లో ఈ సినిమాని చిత్రీక‌రించారు. దుబాయ్ షెడ్యూల్ లో యాక్ష‌న్ పార్ట్ ఆద్యంతం హైలైట్ గా తెర‌కెక్కించార‌ని తెలిసింది.