స్పై అక్కడ కూడా ప్రమోట్ చేస్తున్నాడే

ప్రిన్స్ మహేష్ బాబు లేటెస్ట్ ఫిలి స్పైడర్ విడుదలకు సిద్ధంగా ఉంది. రూ. 100 కోట్ల భారీ బడ్జెట్ తో తెలుగు - తమిళ భాషల్లో ఒకేసారి తెరకెక్కిన ఈ సినిమాపై అభిమానుల్లో విపరీతమైన ఆసక్తి ఉంది. ఈ సినిమాతో మహేష్ బాబు కోలీవుడ్ లో అడుగు పెడుతున్నాడు. దీనిని దృష్టిలో ఉంచుకుని అక్కడ ప్రమోషన్లపై గట్టిగానే దృష్టి పెట్టాడు. తమిళ మీడియాకు ఇంటర్వ్యూలు అవీ బాగానే ఇచ్చి అక్కడి ప్రేక్షకుల దృష్టిని బాగానే ఆకట్టుకున్నాడు.

మహేష్ బాబు ప్రస్తుతం భరత్ అనే నేను సినిమా షూటింగ్ కోసం బెంగుళూరు వెళ్లాడు. అక్కడ షూటింగ్ గ్యాప్ లో దొరికిన టైంను బెంగుళూరులో స్పైడర్ ప్రమోషన్ కోసం కేటాయించనున్నాడు. బెంగుళూరులో మహేష్ కు మంచి మార్కెట్ ఉంది. ఇంతకుముందు అతడి సినిమాలకు ఇక్కడ చెప్పుకోదగ్గ కలెక్షన్లు వచ్చాయి. స్పైడర్ భారీ బడ్జెట్ తో తీసిన మూవీ కావడంతో ఎంత ఎక్కువ ప్రమోట్ చేస్తే అంత ప్రేక్షకులను ఆకట్టుకునే అవకాశముంది. అందుకే కన్నడ అభిమానులను సైతం ఖుషీ చేసేందుకు డిసైడయ్యాడు. ఈ ప్రమోషన్లలో హీరోయిన్ రకుల్ ప్రీత్ సింగ్ కూడా జత కలుస్తోంది.

మహేష్ తన సినిమా కోసం బెంగుళూరులో ప్రమోషన్లు చేయడం ఇదే మొదటిసారి. అయితే మెగా ఫ్యామిలీ హీరోలు మాత్రం ఇక్కడ పబ్లిసిటీ మీద గట్టిగానే దృష్టి పెడుతుంటారు. ఇంతకుముందు అల్లు అర్జున్ - రామ్ చరణ్ తేజ్ - అల్లు శిరీష్ గార్డెన్ సిటీలో తమ సినిమాలను ప్రమోట్ చేసుకున్నారు. ఇప్పుడు మహేష్ కూడా ప్రమోషన్లలో ఈ ట్రెండ్ ఫాలో అవుతున్నాడు.