మహేష్-సందీప్ వంగ మూవీ ఎప్పుడంటే..

అర్జున్ రెడ్డి సినిమా చూసి వారం రోజుల పాటు ఎవ్వరినీ కలువలేదని తాజాగా అల్లు అర్జున్ ఒక స్టేట్ మెంట్ ఇచ్చిన సంగతి తెలిసిందే.. విజయ్ దేవరకొండ నటన - దర్శకుడు సందీప్ రెడ్డి వంగ కథ - కథనం - దర్శకత్వం ఆ సినిమాకు ప్రాణం పోశాయి. అర్జున్ రెడ్డి తో అటు విజయ్, ఇటు సందీప్ రెడ్డి ఓవర్ నైట్ స్టార్ లు అయిపోయారు. వీరిద్దరికి ఫుల్ డిమాండ్ ఏర్పడింది.

అర్జున్ రెడ్డి చూసి మెస్మరైజ్ అయిన మహేష్ బాబు కూడా సందీప్ వంగతో సమావేశమై ఓ సినిమా చేయడానికి ముందుకొచ్చాడు. గతేడాదే వీళ్ల మధ్య మీటింగ్ జరిగింది. కథా చర్చలు కూడా సాగాయి. మహేష్ కు సూటయ్యే ఓ లైన్ కూడా వంగా చెప్పగా స్క్రిప్ట్ పనులు పూర్తిచేయాలని కోరాడట..

అయితే ప్రస్తుతం మహేష్ బాబు వంశీపైడిపల్లి దర్శకత్వంలో నటిస్తున్నారు. ఇది పూర్తయ్యాక సుకుమార్ తో మూవీకి ఒప్పుకున్నాడు. ఈ రెండు సినిమాల తర్వాత సందీప్ వంగ మూవీ ఉంటుంది.

ఇక సందీప్ వంగ ప్రస్తుతం ఫుల్ బిజీగా ఉన్నారు. హిందీలో అర్జున్ రెడ్డిని రిమేక్ చేస్తున్నారు. షాహిద్ కపూర్ హీరో.. ఈ సినిమా చిత్రీకరణ త్వరలోనే మొదలు కానుంది. 2019 జూన్ 21న రిలీజ్ చేసేందుకు తాజాగా తేదీ ఖరారు చేశారు. అంటే మహేష్ బాబు తో సందీప్ సినిమా పట్టాలెక్కాలంటే వచ్చే ఏడాది సెకండాఫ్ లోనే..