మహేష్ బాబు లక్ష్మి నరసింహ స్వామి..!

సూపర్‌ స్టార్‌ మహేష్ బాబు సర్కారు వారి పాట చిత్రీకరణ చకచక జరుగుతోంది. స్పెయిన్ లో సినిమా షూటింగ్ కోసం యూనిట్ సభ్యులు అంతా కూడా అక్కడకు వెళ్లారు. మహేష్ బాబు కుటుంబ సభ్యులతో సహా అక్కడకు వెళ్లడం జరిగింది. షూటింగ్‌ ప్రారంభించిన కొన్ని రోజులకు నమ్రత మరియు పిల్లలు కలిసి స్పెయిన్ వెళ్లారు అంటూ సమాచారం అందుతోంది. మహేష్‌ బాబు మరియు కీర్తి సురేష్‌ లు జంటగా నటిస్తున్న సర్కారు వారి పాట చిత్రం షూటింగ్‌ ను ఈ నెల చివర్లో లేదా వచ్చే నెల ఆరంభంకు పూర్తి చేయాలనే పట్టుదలతో ఉన్నారు. అందుకోసం తీవ్ర ప్రయత్నాలు జరుగుతున్నాయని తెలుస్తోంది. పెద్ద ఎత్తున అంచనాలున్న సర్కారు వారి సినిమా లోని కీలకమైన ఇంటర్వెల్ సన్నివేశాలను చిత్రీకరించారు. ఇంటర్వెల్‌ కు ముందు సన్నివేశంలో విలన్ కు హీరో మహేష్ బాబు లక్ష్మి నరసింహ స్వామి గా కనిపిస్తాడట. యాక్షన్‌ సన్నివేశంలో భాగంగా మహేష్‌ బాబు కొన్ని నిమిషాలు ఆ గెటప్ లో కూడా కనిపించబోతున్నట్లుగా విశ్వసనీయ సమాచారం అందుతోంది.

మహేష్ బాబు ప్రతి సినిమాలో కూడా రెగ్యులర్ లుక్ లో కనిపించబోతున్నాడు. ఎప్పుడు కూడా మహేష్‌ బాబు చాలా కూల్‌ లుక్ లో కనిపిస్తూ ఉంటాడు. సర్కారు వారి పాట కోసం కాస్త గెటప్ మార్చాడు. ఆ గెటప్ కు సంబంధించిన లుక్‌ ఇప్పటికే రివీల్ అయ్యింది. అంతకు మించి అన్నట్లుగా లక్ష్మి నరసింహ స్వామి గెటప్ లో కనిపించబోతున్నట్లుగా వస్తునన్ వార్తలు సినిమా పై అంచనాలను ఆకాశానికి లేపుతున్నాయి. ఇప్పటి వరకు స్టార్‌ హీరోల్లో కొద్ది మంది మాత్రం అలాంటి గెటప్స్ లో కనిపించారు. మహేష్ బాబును కొన్ని నిమిషాల పాటు ఆ గెటప్ లో చూడబోతున్న ఫ్యాన్స్ అభిప్రాయం ఏంటీ అనేది ఆసక్తిగా ఉంది. కొన్ని సార్లు ఇలాంటి జిమ్మిక్కులు సూపర్‌ సక్సెస్ అయ్యే అవకాశం ఉంటుంది. కొన్ని సార్లు మాత్రం నిరాశ పర్చే అవకాశం కూడా ఉంటుంది.

సర్కారు వారి పాట సినిమాలో మహేష్ బాబు కనిపించబోతున్న లుక్ విషయాన్ని పక్కన పెడితే ఖచ్చితంగా ఈ సినిమా ఒక మంచి ఎంటర్‌ టైనర్‌ గా నిలుస్తుందనే నమ్మకంను అభిమానులు వ్యక్తం చేస్తున్నారు. కీర్తి సురేష్ లుక్ మరియు మహేష్ బాబు టైమింగ్‌ కు తోడు దర్శకుడు పరశురామ్‌ ఒక మంచి ఫన్ ను క్రియేట్‌ చేస్తాడని నమ్మకంను అంతా వ్యక్తం చేస్తున్నారు. యాక్షన్‌ సన్నివేశాలు మాత్రమే కాకుండా ఫ్యామిలీ ఆడియన్స్‌ మెచ్చే సన్నివేశాలు ఇంకా పాటలు అన్ని కలిపి ఫుల్ మీల్స్ గా సర్కారు వారి పాట ఉంటుందని ప్రతి ఒక్కరు నమ్ముతున్నారు. సంక్రాంతికి ఈ సినిమాను బాక్సాఫీస్ వద్దకు తీసుకు వచ్చేందుకు సిద్దం అవుతున్నారు. రికార్డు బ్రేకింగ్‌ వసూళ్లను ఈ సినిమా అందుకుంటుందా అనేది చూడాలి. సంక్రాంతికి వారం ముందు ఆర్ ఆర్‌ ఆర్ ను విడుదల చేస్తున్నారు. కనుక సర్కారు వారి పాట విడుదల విషయంలో ఏమైనా మార్పు ఉంటుందా అనేది చూడాలి. ఇప్పటి వరకు అయితే సర్కారు వారి పాట చిత్రం సంక్రాంతి బరిలోనే ఉంది.