సినిమా అంతా మహేషే ఉంటాడట

సూపర్ స్టార్ కృష్ణకి తగ్గ కూతురిగా - మహేష్ బాబు అక్కగా ఇండస్ట్రీ లోకి ఎంటర్ అయినప్పటికీ తనకంటూ ఒక మంచి నిర్మాతగా ముద్ర వేసుకుంది మంజుల ఘట్టమనేని. ఒక నిర్మాత మరియు యాక్టర్ గానే కాదు తనకు దర్శకత్వం కూడా వచ్చు అని నిరూపించడానికి ఇప్పుడు రెడీగా ఉంది. తన మొదటి సినిమా మనసుకు నచ్చింది త్వరలో రిలీజ్ కాబోతుండగా - మంజుల మరియు మిగతా టీం అంతా చాలా ఉత్సాహంగా ప్రమోషన్స్ లో పాల్గొంటున్నారు.

ఇలా ఒక ఇంటర్వ్యూ లో మంజుల చాలా ఆసక్తికరమైన విషయం చెప్పింది. మహేష్ బాబు ఈ సినిమా కు వాయిస్ ఓవర్ ఇచ్చాడట. నేచర్ (ప్రకృతి) కి తన వాయిస్ ఇచ్చినట్టు తెలుస్తోంది. అంతే కాదు, సినిమా మొత్తం తన ఉనికి మనకు తెలుస్తూ ఉంటుంది అని అసలు తన కథకు మహేషే హీరో అని చెప్పి మహేష్ ఫాన్స్ అందర్నీ తన వైపుకి తిప్పుకుంది మంజుల. ట్రైలర్ మరియు ఆడియో బాగానే ప్రేక్షకులను మెప్పించాయి. కానీ మంజుల కొత్తగా చెప్పిన విషయం మాత్రం అందరిలో సినిమాపై ఆసక్తిని క్రియేట్ చేసింది.

సందీప్ కిషన్ హీరోగా నటిస్తుండగా - అమైరా దస్తూర్ - త్రిధా చౌదరి హీరోయిన్లు గా మెరవబోతున్నారు. కేవలం వాయిస్ ఓవర్ కె ఇంత హైప్ వచ్చేస్తే అసలు నిజంగా మహేష్ స్పెషల్ రొల్ చేసుంటే ఇంకే రేంజ్ లో ఉండేదో కదా? మంజుల తన తొలి చిత్రం తోనే హిట్ నమోదు చేసుకుంటుంది అంటారా? సింపుల్ ప్రమోషన్ల కారణంగా సినిమాకు బజ్ కాస్త తక్కువగా ఉండటంతో.. ఆ విషయంలో ఇప్పుడు చాలా సందేహాలు వస్తున్నాయి.