మహేష్ ను నడిపించే శక్తి అదే

టాలీవుడ్ కి సంబంధించినంత వరకూ మహేష్ బాబు పెద్ద శక్తి. అటు కలెక్షన్స్ లోను.. ఇటు బిజినెస్ లోనూ కొత్త బెంచ్ మార్క్ లు సెట్ చేయగల రేంజ్ మహేష్ బాబు సొంతం. ముందు సినిమా రిజల్ట్ ఎలా ఉన్నా సరే.. సినిమా సినిమాకి సూపర్ స్టార్ స్థాయి.. బిజినెస్ సూపర్ గా పెరిగిపోతూ ఉంటుంది.

మరి అలాంటి మహేష్ ని నడిపించే మరో శక్తి అంటే అభిమానులకు కోపం వచ్చేయక మానదు. కానీ తనను నడిపించే శక్తి ఎవరో మహేష్ స్వయంగా చెప్పాక ఫ్యాన్స్ కూడా నమ్మక తప్పదు. ఇవాళ మహేష్ కుమారుడు గౌతమ్ కృష్ణ పుట్టిన రోజు కావడంతో.. స్పెషల్ గా ఓ ట్వీట్ పెట్టాడు సూపర్ స్టార్. "నేను ఇలా ఉండడానికి కారణం తనే. నన్ను నడిపించే శక్తి.. నా కుమారుడు.. నా ప్రపంచం.. నా సంతోషం తనే. హ్యాపీ బర్త్ డే గౌతమ్" అంటూ ట్వీట్ చేశాడు మహేష్ బాబు. మరోవైపు గౌతమ్ తల్లి.. మహేష్ భార్య నమ్రత కూడా బర్త్ డే విషెస్ చెబుతూ తన ఫేస్ బుక్ లో ఓ పోస్ట్ చేసింది.

"నా బేబీకి మరో సంతోషకరమైన రోజు కావాలని విష్ చేస్తున్నాను. తను సూర్యుడి కంటే ఎక్కువగా వెలిగిపోవాలి. జీవితాన్ని  పూర్తిగా ఆస్వాదించాలి. ఏటికేడాది గడిచేకొద్దీ తెలివి.. నేర్చుకోవడం..ప్రేమించడం అన్నీ పెరగాలి. నువ్వు ఎన్నడూ ఊహించలేని స్థాయిలో నువ్వంటే నాకిష్టం" అని అమ్మ ప్రేమను కలిపి మరీ పోస్ట్ చేసింది నమ్రతా మహేష్.