బ్రహ్మోత్సవం.. ఇదే ఆఖరంట!

టాలీవుడ్ సూపర్ స్టార్ మహేష్ బాబు హీరోగా సీతమ్మవాకిట్లో సిరిమల్లె చెట్టు వంటి సూపర్ హిట్ చిత్రాన్ని అందించిన శ్రీకాంత్ అడ్డాల.. ఇప్పుడు బ్రహ్మోత్సవం చిత్రాన్ని రూపొందిస్తున్నాడు. గత ఎనిమిది నెలలుగా షూటింగ్ జరుపుకుంటున్న బ్రహ్మోత్సవం ఇప్పుడు చివరి దశకు చేరుకుంది. ఏప్రిల్ 2నుంచి బ్రహ్మోత్సవం చివరి షెడ్యూల్ షూటింగ్ ప్రారంభం కానుంది.

ఈ షెడ్యూల్ లో మూవీలోని తారాగణం అంతా పాల్గొంటారని యూనిట్ వర్గాలు చెబుతున్నాయి. హైద్రాబాద్ లో జరగనున్న ఈ షెడ్యూల్ తో మొత్తం షూటింగ్ అంతా పూర్తయిపోనుందని తెలుస్తోంది. పాటల చిత్రీకరణతో సహా టాకీ పార్ట్ కూడా కంప్లీట్ అయ్యేలా చివరి షెడ్యూల్ ని ప్లాన్ చేశాడు శ్రీకాంత్ అడ్డాల. కాజల్ - సమంత - ప్రణీతలు హీరోయిన్లుగా నటిస్తున్న బ్రహ్మోత్సవం ను తెలుగు-తమిళ్ భాషల్లో ఒకేసారి విడుదల చేసేలా పిక్చరైజే చేస్తున్నారు. సీనియర్ నటుడు సత్యరాజ్ ప్రధాన పాత్రలో నటిస్తుండడంతో.. కోలీవుడ్ లోనూ ఈ మూవీపై ఆసక్తి నెలకొంది.

రేవతి - జయసుధ - నరేష్ వంటి ఇతర సీనియర్ నటులు కూడా బ్రహ్మోత్సవంలో ప్రధాన పాత్రలు పోషిస్తున్నారు. ఏప్రిల్ 24న బ్రహ్మోత్సవం ఆడియో విడుదల వేడుకను జరిపేందుకు సన్నాహాలు జరుగుతున్నట్లు తెలుస్తోంది. పీవీపీ బ్యానర్ పై తెరకెక్కుతున్న బ్రహ్మోత్సవం.. మే నెలలో విడుదల కానుంది