మహేష్ బ్రహ్మోత్సవం రిలీజ్ డేట్ ఫిక్స్

టాలీవుడ్ సూపర్ స్టార్ మహేష్ బాబు మూవీ బ్రహ్మోత్సవం కు విడుదల తేదీ ఇప్పుడు ఫైనల్ అయిపోయింది. మే నెలలో విడుదల చేస్తారన్న సమాచారం తప్ప.. ఇప్పటివరకూ డేట్స్ అనౌన్స్ చేయని బ్రహ్మోత్సవం యూనిట్.. ఇప్పుడు అధికారికంగా విడుదల తేదీ చెప్పేశారు.

మే 6న కానీ, 24న కానీ బ్రహ్మోత్సవం విడుదల ఉంటుందని అందరూ భావించారు. ఆ మేరకు మిగతా సినిమాల ప్లానింగ్ సెట్ చేసుకుంటాయని అనుకుంటుండగా... సడెన్ గా సూపర్ స్టార్ షాక్ ఇచ్చాడు. మే 13న బ్రహ్మోత్సవం విడుదల అవుతున్నట్లు ఇఫ్పుడు అధికారికంగా ప్రకటించేశారు. అంతే కాదు.. ఆడియో రిలీజ్ డేట్ పై కూడా ఇప్పుడు స్పష్టత వచ్చేసింది.

తిరుపతిలో మే 1న ఆడియో రిలీజ్ ఫంక్షన్ జరగనుంది. మహేష్ బాబు కు జంటగా ముగ్గురు హీరోయిన్లు సమంత, కాజల్, ప్రణీతలు నటించిన బ్రహ్మోత్సవంకు శ్రీకాంత్ అడ్డాల దర్శకుడు. మిక్కీ జే మేయర్ అందించిన సంగీతం సూపర్ గా వచ్చిందనే టాక్ ఉంది.