మహేష్ బ్రహ్మోత్సవంపై ఎనీ డౌట్స్!!

టాలీవుడ్ సూపర్ స్టార్ మహేష్ బాబు-శ్రీకాంత్ అడ్డాల దర్శకత్వంలో తెరకెక్కుతున్న బ్రహ్మోత్సవం.. ఇప్పుడు షూటింగ్ చివరి దశకు చేరుకుంది. ఈ నెల 24న తిరుపతిలో భారీ బహిరంగ సభ ఏర్పాటు చేసి.. ఆడియో విడుదల కార్యక్రమం నిర్వహించనున్న విషయం తెలిసిందే. ఈ లోపే.. బ్రహ్మోత్సవం షూటింగ్ మొత్తం ఫినిష్ చేసేయనున్నారని తెలుస్తోంది.

టాకీపార్ట్ మాత్రమే కాకుండా.. పాటల వర్క్ కూడా ఆడియో రిలీజ్ లోపే కంప్లీట్ చేసేయనుండడం విశేషం. డబ్బింగ్ వంటి పోస్ట్ ప్రొడక్షన్ కార్యక్రమాలు మాత్రమే బ్యాలన్స్ ఉంటాయని అంటున్నారు. మే మొదటి వారంలో డబ్బింగ్ - ఇతర పనులు పూర్తి చేయనున్నాడు సూపర్ స్టార్. ఆ తర్వాత బ్రహ్మోత్సవంకి ప్రమోషన్ వర్క్స్ స్టార్ట్ చేస్తాడని తెలుస్తోంది. మూవీ రిలీజ్ అయ్యాక.. తన ఫ్యామిలీతో కలిసి సమ్మర్ వెకేషన్ కు వెళ్లనున్నాడు మహేష్.

అయితే, రిలీజ్ డేట్ పై మాత్రం ఇంకా స్పష్టత రాలేదు. మే నెల మూడో వారంలో విడుదల చేసేందుకే ఎక్కువగా అవకాశాలు ఉన్నాయని తెలుస్తోంది. సమ్మర్ వెకేషన్ నుంచి తిరిగొచ్చిన వెంటనే.. అంటే జూన్ మొదటి వారంలో మురుగదాస్ తో మూవీ మొదలుపెట్టనున్నాడు మహేష్.