మహేష్ విష్ చేసింది అందుకేనా?

సాధారణంగా తెలుగు సినిమాల ట్రైలర్ల గురించి వాటి విశేషాల గురించి ఎప్పుడో గాని ట్వీట్ చేయని మహేష్ బాబు ఈ విషయంలో ఇతర హీరోల అభిమానుల దృష్టిలో కాస్త నెగటివ్ కూడా అయ్యాడు . అయినా మా హీరో ఎవరిని ప్రత్యేకంగా పొగడడు అని ఫ్యాన్స్ సర్దిచెప్పుకున్నా నవాబ్-2.0 విషయంలో ఇచ్చిన కాంప్లిమెంట్స్ అరవింద సమేత వీర రాఘవకు ఎందుకు దక్కలేదు అనే ప్రశ్నకు సమాధానం ఇప్పటికీ దొరకలేదు. తారక్ భరత్ అనే నేనుకి గెస్ట్ గా వచ్చినా త్రివిక్రమ్ తనకు అత్యంత ఇష్టుడైనా మహేష్ దాని విషయంలో మౌనాన్నే ఆశ్రయించాడు. అయితే తాజాగా ఎన్టీఆర్ బయోపిక్ ట్రైలర్ గురించి ప్రత్యేకంగా ట్వీట్ చేయడం నందమూరి ఫ్యాన్స్ కి జోష్ ఇస్తుండగా మిగిలినవాళ్ళలో కొత్త చర్చకు దారి తీసింది.

తన ట్వీట్ లో ట్రైలర్ గురించి చెబుతూ కథానాయకుడు లుక్ నిజానికి ప్రాణం పోసినట్టు అద్భుతంగా ఉందని గూస్ బంప్స్ వచ్చేసాయని ఎన్టీఆర్ గా బాలకృష్ణ పరకాయప్రవేశం గురించి ఎంత చెప్పినా తక్కువే అనే స్థాయిలో పోగిడేసాడు. ట్వీట్ చిన్నదే అయినా మీనింగ్ మాత్రం చాలా లోతుగా ఉంది. అయితే ఇక్కడ గమనించాల్సిన అంశం మరొకటుంది. ఎన్టీఆర్ ట్రైలర్ అండ్ ఆడియో లాంచ్ కి సూపర్ స్టార్ కృష్ణ అతిధిగా హాజరయ్యారు. ఆరోగ్య రిత్యా బయట ఇతరుల పబ్లిక్ ఫంక్షన్లకు ఏనాడో రావడం మానుకున్న కృష్ణ దీనికి మాత్రం బాలయ్య ప్రత్యేక ఆహ్వానం మీద వచ్చారు.

అంతే కాదు తనకు అన్నగారికి ఉన్న అనుబంధాన్ని గొప్పగా గుర్తు చేసుకున్నారు. అందుకే మహేష్ ప్రత్యేకంగా ఈ ట్రైలర్ గురించి చెప్పాడు తప్ప ఒకవేళ కృష్ణ గారు గెస్ట్ గా వెళ్ళకుండా ఫంక్షన్ జరిగి ఉంటె మహేష్ విషెస్ చెప్పెవాడా అనే ప్రశ్నకు మాత్రం సమాధానం కష్టమే. ఏదైతేనేం ఎన్టీఆర్ ట్రైలర్ 6 మిలియన్ల వ్యూస్ దాటేసి కోటి మార్కు కోసం పరుగు పెడుతోంది. జనవరి 9న కథానాయకుడు విడుదల కాబోతోంది