ఫ్యాన్స్‌ కు సరిలేరు నీకెవ్వరు స్పెషల్‌ ట్రీట్‌

సూపర్‌ స్టార్‌ మహేష్‌ బాబు 'సరిలేరు నీకెవ్వరు' సినిమా సంక్రాంతికి ప్రేక్షకుల ముందుకు రాబోతున్న విషయం తెల్సిందే. అనీల్‌ రావిపూడి దర్శకత్వంలో రూపొందుతున్న ఈ చిత్రంలో హీరోయిన్‌ గా రష్మిక మందన్న నటించగా కీలక పాత్రలో విజయశాంతి నటించింది. ఈ సినిమాపై అంచనాలు భారీగా ఉన్నాయి. మహేష్‌ బాబు ఈ సినిమాలో ఆర్మీ మేజర్‌ పాత్రలో కనిపించబోతున్నాడు. కర్నూలు బ్యాక్‌ డ్రాప్‌ తో సినిమాపై అంచనాలు ఆకాశాన్ని తాకేలా ఉన్నాయి. ఈ సినిమా పలు రకాలుగా మహేష్‌ బాబు ఫ్యాన్స్‌ కు డబుల్‌ ఎంటర్‌ టైన్‌ మెంట్‌ అందించబోతున్నట్లుగా టాక్‌ వినిపిస్తుంది.

మహేష్‌ బాబు డాన్స్‌ విషయంలో ఇతర హీరోలతో పోల్చితే కాస్త వెనుకంజలో ఉంటాడు. ఆ డ్రా బ్యాక్‌ ను ఈ సినిమాతో ఓవర్‌ కమ్‌ చేసేందుకు మహేష్‌ బాబు ప్రయత్నాలు చేస్తున్నట్లుగా సమాచారం అందుతోంది. ఈ సినిమాలోని ఒక మాస్‌ మసాలా సాంగ్‌ కోసం శేఖర్‌ మాస్టర్‌ మాంచి స్టెప్స్‌ ను కొరియోగ్రఫీ చేశాడని.. వాటిని చాలా కష్టపడి మహేష్‌ బాబు ఫ్యాన్స్‌ కోసం చేశాడంటూ సమాచారం అందుతోంది. మహేష్‌ బాబు గతంలో ఏ సినిమాలో కూడా ఈ స్థాయి మూమెంట్స్‌ చేయలేదంటూ చిత్ర యూనిట్‌ సభ్యులు ఆఫ్‌ ది రికార్డ్‌ అంటున్నారు.

సరిలేరు నీకెవ్వరు సినిమా సంక్రాంతి పండుగను మహేష్‌ బాబు ఫ్యాన్స్‌ కు రెట్టింపు చేసేందుకు రాబోతుంది. ఈ సినిమాకు సంబంధించి వస్తున్న వార్తలు సినిమాపై అంచనాలను పెంచుతూనే ఉంది. దాదాపుగా 100 కోట్ల బడ్జెట్‌ తో ఈ సినిమాను రూపొందించినట్లుగా వార్తలు వస్తున్నాయి. మహేష్‌ బాబు గత సినిమాల కంటే ఈ సినిమా మరింతగా వసూళ్లు సాధించడం కన్ఫర్మ్‌ అంటూ ఫ్యాన్స్‌ చాలా నమ్మకంతో ఉన్నారు. పూర్తి స్థాయి యాక్షన్‌ ఎంటర్‌ టైనర్‌ గా ఈ సినిమాను దర్శకుడు అనీల్‌ రావిపూడి తెరకెక్కిస్తున్నాడు.