క్యూట్ సితార ల‌వ్ లీ ఎక్స్ ప్రెష‌న్?

`మ‌హ‌ర్షి` ప్ర‌మోష‌న్ పూర్తి చేసి మ‌హేష్ విదేశీ ట్రిప్ వెళ్లిన సంగ‌తి తెలిసిందే. దాదాపు ఏడాది పాటు మ‌హేష్ ఎంతో క‌ఠోరంగా శ్ర‌మించారు. మ‌హ‌ర్షి చిత్రాన్ని ఓ య‌జ్ఞంలా భావించి ఇంత హార్డ్ వ‌ర్క్ చేసి స‌వ్యంగా రిలీజ‌య్యేందుకు చేయాల్సిందంతా చేశారు ఒక హీరోగా. స‌మీక్ష‌కుల నుంచి మిశ్ర‌మ స్పంద‌న‌లు వ‌చ్చినా కాంపిటీష‌న్ లేకుండా వ‌చ్చారు కాబ‌ట్టి క‌లెక్ష‌న్ల ప‌రంగా వ‌ర్క‌వుటైంద‌న్న టాక్ వచ్చింది.

ఈ ఆనందాన్ని మ‌హేష్ మామూలుగా సెల‌బ్రేట్ చేసుకోవ‌డం లేదు. యూర‌ఫ్ మొత్తం ఫ్యామిలీతో క‌లిసి చుట్టేస్తున్నారు. ఓవైపు గౌత‌మ్ - సితార తో క‌లిసి ప్యారిస్ లాంటి చోట‌ షికార్లు చేస్తూ అద‌ర‌గొడుతున్నారు. నిన్న‌నే గౌత‌మ్ తో మ‌హేష్ ఫుల్ చిలౌట్ చేస్తున్న ఫోటో సామాజిక మాధ్య‌మాల్లో వేడెక్కించింది. తాజాగా క్యూట్ సితార జాలీ గా ఎంజాయ్ చేస్తున్న ఫోటోని న‌మ్ర‌త అభిమానుల కోసం షేర్ చేశారు.

ఈ ఫోటోలో సితార ల‌వ్ లీ ఎక్స్ ప్రెష‌న్ తో మైమ‌రిపిస్తోంది. క్యూటీ డాళింగ్ సితార‌ రేర్ మూవ్ మెంట్స్ ని క్యాప్చర్ చేసి వాటిని న‌మ్ర‌త రెగ్యుల‌ర్ గా ఇన్ స్టాలో షేర్ చేస్తున్న సంగ‌తి తెలిసిందే. ఇదివ‌ర‌కూ మ‌హేష్ మైన‌పు విగ్ర‌హాన్ని ఏఎంబీలో లాంచ్ చేసిన‌ప్పుడు అబ్బుర‌ప‌డుతూ త‌థేకంగా డాడ్ విగ్ర‌హాన్ని చూస్తున్న సితార ఫోటోలు ఫ్యాన్స్ కి ట్రీటిచ్చాయి. అలాగే త‌న‌ను తాను మైమ‌రిచి డ్యాన్సులు చేస్తున్న మూవ్ మెంట్స్ ని క్యాప్చర్ చేసి ఇలానే సామాజిక మాధ్య‌మాల్లో అభిమానుల‌కు షేర్ చేస్తున్నారు. ``జీవితంలో సింపుల్ థింగ్స్ ఇలా స్వేచ్ఛ‌గా.. సంపూర్ణంగా ఆస్వాధిస్తోంది! ఈ ప్ర‌కృతి ఎంతో అంద‌మైన‌ది`` అంటూ న‌మ్ర‌త వ్యాఖ్య‌ను పోస్ట్ చేశారు. మ‌హ‌ర్షి సక్సెస్ ని సెల‌బ్రేట్ చేస్తున్నామిలా అని న‌మ్ర‌త వ్యాఖ్యానించ‌డం ఆస‌క్తిక‌రం. అయితే ఓ అభిమాని న‌మ్ర‌త‌కు ఇన్ స్టాలో ఇచ్చిన రిప్ల‌య్ ఆస‌క్తిక‌రం. ``ప్యారిస్ చాలా ఖ‌రీదైన‌ది. ఫ్రీ అయితే కాదు. సితార లుక్స్ సో క్యూట్`` అంటూ వ్యాఖ్య‌ను పోస్ట్ చేశారు.