భలే ముద్దుగా పాడావ్ సితార

ఒక సూపర్ స్టార్ కొత్త పాట విడుదల అయితే ఆ హీరో అభిమానులు ఆ రోజు పండుగే కదా. అదే పాటను ఆ సూపర్ స్టార్ కూతురు పాడి వినిపిస్తే ఇంకా ఎలా ఉంటుంది ఆ అభిమానులుకు. మహేశ్ బాబు కొత్త సినిమా స్పైడర్ లో ఒక పాట అయన ‘బూం బూం’ను విడుదల చేసిన సంగతి తెలిసిందే. మహేశ్ ఈపాటలో స్టైలిష్ గా కనిపించి అభిమానులను ఆనందపరిచాడు. సూపర్ స్టార్ మహేశ్ అంటే అతని అభిమానులకే కాదు మహేశ్ కూతురు సితార కూడా చాలా ఇష్టమట. మహేశ్ బాబు సినిమాలు చూసి ఇప్పుడు సితార మహేశ్ కి పెద్ద ఫ్యాన్ గా మారిందిట.

మహేశ్ బాబు తన ట్విటర్ లో తన కూతురు పాడిన బూం బూం పాటను పోస్ట్ చేసి అభిమానులకు మంచి కిక్ ఇచ్చాడు. స్పైడర్ సినిమాలో ఉండే బూం బూం పాట ఇటివలే విడుదలై మంచి స్పందన వచ్చింది. అయితే సితార ఎక్కడికో బయటకి వెళ్తున్నపుడు కారు లో బూం బూం పాట పెట్టుకొని ఆ పాటను అనుసరిస్తూ పాడింది. పాటలో వచ్చే బీట్ కు తగ్గట్లు ఊగుతూ పాటలోను పదాలును ముద్దు ముద్దుగా పలుకుతూ పాడింది. ఇదే విషయం మహేశ్ బాబు తన ట్విటర్ లో పోస్ట్ చేశాడు. “సితార ఇప్పుడు ఈ పాటను లూప్ లో పెట్టి మరి వింటుంది. ఈ కొత్త పాటే తన ఫేవరట్ సాంగ్'' అని చెబుతున్నాడు. ఈ వీడియో సితార పాడటం కాని ఆమె పదాలను పలకడం కాని.. భలే ముద్దొచ్చేసింది అంతే.

హరీశ్ జయరాజ్ కంపోజ్ చేసిన ఈ పాటను రామ జోగయ్య శాస్త్రి రాసారు. ఈ పాటను సితార నోట విని చూసే వారు అంతా వావ్ సో క్యూట్ అని భలే ముచ్చట పడిపోతున్నారు. సితార కూడా తన నాన్న పాట అని కాకుండా నా అభిమాన హీరో పాట అన్నంతగా పాడి వినిపించింది. మహేశ్ ‘స్పైడర్’ సినిమా ట్రైలర్ మరి కొద్ది రోజులు లోనే విడుదలవుతోంది. స్పైడర్ సినిమాను దసరా కానుకగా విడుదల చేస్తున్న సంగతి తెలిసిందే.​