మహేష్ నోటి వెంట పొలిటికల్ పంచ్ లు

మహేష్ బాబుకు ఆయన ఫ్యామిలీకి రాజకీయాలతో లింక్స్ ఉన్నా.. నేరుగా ఇప్పటివరకూ ఎప్పుడూ పాలిటిక్స్ లో పాలు పంచుకోలేదు. తన బావకు మద్దతు పలికినా రాజకీయాలు మాట్లాడలేదు. సినిమాల్లో కూడా ఇప్పటివరకూ రాజకీయాలకు సంబంధించిన డైలాగ్స్ కనిపించవు.

కానీ మహేష్ తో పాలిటిక్స్ పై పవర్ ఫుల్ పంచ్ డైలాగ్స్ పలికించేందుకు కొరటాల శివ రెడీ అవుతున్నాడట. మురుగదాస్ తో మూవీ కంప్లీట్ కాగానే..కొరటాలతో 'భరత్ అను నేను' అనే మూవీ చేయనున్నాడు సూపర్ స్టార్. ఈ మూవీ ప్రత్యక్షంగా రాజకీయాలపై తీస్తున్న సినిమా కాకపోయినా.. కొన్ని సన్నివేశాల్లో మాత్రం రాజకీయాలకు లింక్ ఉంటుందని..ఇప్పటి పాలిటిక్స్ కు లింక్ చేసేలా ఈ సీన్స్ ఉంటాయని తెలుస్తోంది. అలాంటి సన్నివేశాల్లో సీరియస్ పాలిటిక్స్ డైలాగ్స్ రాసుకున్నాడట కొరటాల.

వీటిని మహేష్ తో చెప్పించాలని భావిస్తున్నట్లు తెలుస్తోంది. ఇప్పటికి స్క్రిప్ట్ లో ఈ సీన్స్ ఉన్నా.. మరి పిక్చరైజేషన్ సమయానికి.. దర్శకుడి మాటను మహేష్ వింటాడో.. లేక మహేష్ టోన్ డౌన్ చేయమని చెబితే కొరటాల తగ్గుతాడో చూడాల్సి ఉంది.

Like Us on Facebook : https://www.facebook.com/Tupakidotcom/