దుబాయ్ ఛీర్స్ లో మ‌హేష్ గెస్ట్‌

సూప‌ర్ స్టార్ మ‌హేష్ దుబాయ్ విజిట్ గురించి తెలిసిందే. క్రిస్మ‌స్ సంబ‌రాలు మొద‌లుకుని, కొత్త సంవ‌త్స‌రం ఈవెంట్ వ‌ర‌కూ మ‌హేష్ ఫ్యామిలీ విదేశాల్లో షికార్లు చేస్తున్న సంగ‌తి తెలిసిందే. మ‌హేష్, నమ్ర‌త‌, సితార ముగ్గురూ ఈ ట్రిప్ లో బంధువులు, ఫ్యామిలీ ఫ్రెండ్స్ తో క‌లిసి సెల‌బ్రేష‌న్ చేసుకోవ‌డం క‌నిపించింది. ఆ పోటోల్ని న‌మ్ర‌త‌, మ‌హేష్ స్వ‌యంగా అభిమానుల‌కు సామాజిక మాధ్య‌మాల ద్వారా షేర్ చేశారు.

తాజాగా ఈ ట్రిప్ లో మ‌హేష్ ఫ్యామిలీతో ఒక స‌ర్‌ ప్రైజ్ గెస్ట్ ఛీర‌ప్ చేయ‌డంపైనా ఆసక్తిక‌ర చ‌ర్చ సాగుతోంది. ఇటీవ‌లే పండంటి బిడ్డ‌కు జ‌న్మ‌నిచ్చిన టెన్నిస్ క్రీడాకారిణి సానియా మీర్జా మ‌హేష్ టీమ్‌తో జాయిన్ అయ్యారు. సానియా- షోయ‌బ్ మాలిక్ జంట అక్క‌డ స‌డెన్ ట్విస్ట్ ని ఇచ్చింది. దుబాయ్ లోనే వీళ్లంతా కొత్త సంవ‌త్స‌ర వేడుక‌ల్లో పాల్గొన్నారు. ఆ ఫోటోల్ని తాజాగా న‌మ్ర‌త ఇన్ స్టాగ్ర‌మ్ లో షేర్ చేశారు. ప్ర‌స్తుతం ఈ పిక్ మ‌హేష్ అభిమానుల్లో జోరుగా వైరల్ అవుతోంది.

న‌మ్ర‌త‌తో సానియా స్నేహం - ఇరుగుపొరుగు సెల‌బ్రిటీల‌తో మ‌హేష్ సాన్నిహిత్యాన్ని ఈ ఫోటో బ‌య‌ట‌పెడుతోంది. హైద‌రాబాద్ ఫిలింన‌గ‌ర్ లో ఓ ఖ‌రీదైన భ‌వంతిలో నివాసం ఉండే మ‌హేష్ అంత‌కుముందు జూబ్లీహిల్స్ జ‌ర్న‌లిస్ట్ కాల‌నీలోని ఆంధ్ర‌జ్యోతి ప‌రిస‌రాల్లో ఒక ఐదంతస్తుల భ‌వంతిలో నివ‌సించే వార‌ని చెబుతుండేవారు. జూబ్లీ ఏరియాలోనే వివిధ రంగాల‌కు చెందిన‌ రిచెస్ట్ సెల‌బ్రిటీలు నివాసం ఉంటారు. అందులో డీఎస్‌ పీలు - ఐజీలు - స్పోర్ట్స్ స్టార్లు - రాజ‌కీయ నాయ‌కులు ఉంటారు. వీళ్లంద‌రితో ఘ‌ట్ట‌మ‌నేని ఫ్యామిలీస్ సాన్నిహిత్యం మెయింటెయిన్ చేస్తుంటారు. అప్పుడ‌ప్పుడు త‌న‌కు క్లోజ్ గా ఉండే వాళ్ల‌తో మ‌హేష్ ఫ్యామిలీ విదేశీ ట్రిప్ లు వెళ్ల‌డం చూస్తున్న‌దే. ఇక న‌మ్ర‌త ఫ్యామిలీ నుంచి బంధువులు ఇలాంటి చిలౌట్‌ ట్రిప్ ల‌లో పాల్గొంటుంటారు.