మహేష్ 'బిగ్ బాయ్' తొమ్మిదో ఏట అడుగుపెట్టాడట..!

సూపర్ స్టార్ మహేష్ బాబు లాక్ డౌన్ సమయాన్ని పూర్తిగా వినియోగించుకుంటున్నారు. ఎప్పుడూ షూటింగ్ లతో బిజీగా ఉండే మహేష్ లాక్ డౌన్ కారణంగా షూటింగ్ లకు బ్రేక్ పడటంతో ఫ్యామిలీతో టైమ్ స్పెండ్ చేస్తున్నాడు. అనుకోకుండా వచ్చిన ఈ హాలిడేస్ ని తన కొడుకు గౌతమ్ కూతురు సితార పాపతో కలిసి ఆడుకుంటూ ఎంజాయ్ చేస్తున్నాడు. మాములుగా మహేష్ బాబుకు తన కుటుంబంతో గడపడమంటే మహా సరదా. ఆయన చేస్తున్న సినిమాల షూటింగ్ లో ఏ మాత్రం బ్రేక్ వచ్చినా భార్యాపిల్లతో టూర్స్ వేస్తూ ప్రపంచాన్ని చుట్టి వస్తుంటారు. ఇప్పుడు సోషల్ మీడియా వేదికగా డైలీ ఏదొక పోస్ట్ తో అభిమానులకు టచ్ లో ఉంటున్నాడు.. సోషల్ మీడియాలో యాక్టీవ్ గా ఉంటూ ఫ్యాన్స్ ని ఎంటర్టైన్ చేస్తున్నాడు మహేష్. ఒకవైపు కరోనా వైరస్ గురించి అవేర్నెస్ వీడియోలు పోస్ట్ చేస్తూ.. మరోవైపు ఫ్యామిలీ ఫోటోలను పోస్ట్ చేస్తూ బిజీగా ఉంటున్నాడు.

ఈ క్రమంలో మదర్స్ డే సందర్భంగా సూపర్ స్టార్ తన తల్లికి శుభాకాంక్షలు తెలిపిన మహేష్.. ఇప్పుడు తాజాగా మరో పోస్ట్ పెట్టాడు. 'నా బిగ్ బాయ్ కి 9 ఏళ్ళు వచ్చాయి.. ఆవ్ సమ్ టైం' అంటూ తన రెండు పెంపుడు కుక్కలతో కలిసి ఉన్న వీడియో ఇంస్టాగ్రామ్ అండ్ ట్విట్టర్ లలో పోస్ట్ చేసాడు. అయితే ఈ వీడియోలో ఉంది మహేష్ బాబునా లేదా గౌతమ్ కృష్ణా అనే డౌట్ రాకమానదు. అంత యంగ్ గా కనిపిస్తున్నాడు సూపర్ స్టార్. '360 డిగ్రీస్ హ్యాండ్సమ్ బాయ్' అని.. 'ఏమి తింటున్నావ్ మహేష్.. గౌతమ్ కి అన్నలా ఉన్నావ్' అంటూ రకరకాలుగా కామెంట్స్ పెడుతున్నారు. ఇప్పుడు ఈ పోస్ట్ సోషల్ మీడియాలో వైరల్ అయింది. ఇదిలా ఉండగా సూపర్ స్టార్ మహేష్ బాబు ప్రస్తుతం పరశురామ్ దర్శకత్వంలో తన కెరీర్లో 27వ చిత్రాన్ని చేయనున్నాడు.ఈ సినిమాకి సంబంధించి అధికారికంగా ఎలాంటి ప్రకటనా వెలువడలేదు. అయితే మహేష్ బాబు తండ్రి కృష్ణ బర్త్ డే సందర్భంగా ఈ నెల 31న ఈ సినిమా అఫీసియల్ గా ప్రారంభం అయ్యే అవకాశం ఉంది.


వీడియో కోసం క్లిక్ చేయండి