సందీప్ భోజనానికి మహేష్ ఫ్యామిలీ

కుర్ర హీరో సందీప్ కిషన్ కొత్తగా ఓ వ్యాపారం మొదలుపెట్టిన సంగతి తెలిసిందే. రెస్టారెంట్ వ్యాపారంలోకి అడుగు పెట్టిన ఈ యంగ్ హీరో.. వివాహ భోజనంబు అంటూ ఓ కాన్సెప్ట్ బేస్డ్ రెస్టారెంట్ ను రీసెంట్ గా స్టార్ట్ చేశాడు. దీని ఓపెనింగ్ కు హీరోయిన్ రెజీనా ఒక్కతే హాజరుకావడం అందరినీ ఆశ్చర్యపరిచింది.

టాలీవుడ్ ప్రముఖులు చాలామంది హైద్రాబాద్ లోనే ఉన్నా..వారందరినీ పిలవకుండా ఇలా రెజీనాతో ఓపెనింగ్ ఫినిష్ చేసేడేంటా అనుకున్నారు. కానీ అసలు విషయం ఇప్పుడు అర్ధమవుతోంది. ఒక్కోరోజు ఒక్కొక్కళ్లకను చొప్పును రెస్టారెంట్ కి ఆహ్వానిస్తూ.. నిత్యం తన భోజనం వార్తల్లో ఉండేలా ప్లాన్ చేశాడట సందీప్ కిషన్. తాజాగా సందీప్ రెస్టారెంట్ వివాహ భోజనంబుకు.. మహేష్ బాబు కుటంబ సభ్యులు హాజరయ్యారు. మహేష్ వైఫ్ నమ్రతా శిరోద్కర్.. మహేష్ బాబు అఖక్ మంజుల వివాహ భోజనంబులో భోజనం చేసి రుచులను ఆస్వాదించారు.

ఈ సందర్భంగా సందీప్ తో కలిసి ఓ ఫోటోకు కూడా పోజ్ ఇచ్చారు. 'నమ్రత గారు..మంజుల గారికి ఆతిథ్యం ఇవ్వడం చాలా ఆనందంగా ఉంది. సాంప్రదాయమైన తెలుగు వంటకాల రుచులను అందించాం' అంటూ చెప్పాడు సందీప్ కిషన్. ఒకేసారి అందరితో ఫోటోలు దిగేసి ఒకరోజులో హంగామా ఫినిష్ చేయడం కంటే.. ఇలా రోజుకో సెలబ్రిటీతో ప్రచారం చేయడం చూసి.. సందీప్ కిషన్ ఐడియా సూపర్ అని పొగిడేస్తున్నారు టాలీవుడ్ జనాలు.



Like Us on Facebook : https://www.facebook.com/Tupakidotcom/