ఈ కామెంట్స్‌ మరీ అతిగా ఉన్నాయ్‌

సూపర్‌ స్టార్‌ మహేష్‌ వివాదాలకు దూరంగా ఉండే హీరో. అయితే అతడిపై దర్శకుడు తేజ చేసిన కామెంట్స్‌ పెనుదుమారం రేపాయి. మహేష్‌ అభిమానులు ఇప్పుడు తేజపై సీరియస్‌ గా ఉన్నారని సమాచారం. అసలింతకీ మ్యాటర్‌ ఏమంటే?

మహేష్‌ ఇటీవలే బుర్రిపాలెంతో పాటు తెలంగాణలోని ఓ గ్రామాన్ని దత్తత తీసుకునేందుకు ముందుకొచ్చిన సంగతి తెలిసిందే. మహేష్‌ ఇలా దత్తత తీసుకోవడానికి కారణం పన్ను మినహాయింపులు. ప్రభుత్వం నుంచి లాభం ఉంది కాబట్టే ఇలా చేస్తున్నాడు. కార్పొరెట్‌ కంపెనీలు సామాజిక సేవ చేసేది కూడా ఇందుకే. . అంటూ ఘాటైన కామెంట్‌ చేశాడు. ఒకవేళ మహేష్‌ సామాజిక సేవ చేయాలనుకుంటే ఒక్కడు టైమ్‌ నుంచే మొదలు పెట్టి ఉండొచ్చు కదా! అని అన్నాడు.

తేజ కామెంట్‌ నిజంగానే జుగుప్స కలిగించేలా ఉంది. మంచి పనులు చేసేవాళ్లను వెనక్కి తగ్టేట్టే చేసేలా ఉన్నాడు. ఈ కామెంట్స్‌ మరీ అతిగా ఉన్నాయని అంటున్నారంతా. తేజకి ఇలా నోరు పారేసుకోవడం ఇదే మొదటి సారి కాదు. గతంలోనూ స్టార్‌ హీరోలు, స్టార్‌ ప్రొడ్యూసర్ లతోనే ఇలాగే పెట్టుకున్నాడు. అందుకే ఇప్పటికీ అతడు స్ట్రగ్లింగ్‌ డైరెక్టర్‌ గానే మిగిలిపోయాడు. అతడు దర్శకత్వం వహించిన హోరా హోరీ త్వరలో రిలీజ్‌ కి వస్తున్న సంగతి తెలిసిందే.