సంభవామి.. మార్చాలయ్యా సామీ!!

సినిమా తీయడం ఒకెత్తుయితే దానికి పేరు పెట్టడం మరో ఎత్తు. టైటిల్ ఎంత క్యాచీగా ఉంటే ఆడియెన్స్ కి అంత ఫాస్ట్ గా రిజిష్టరవుతుంది. ఇక అభిమానులైతే వీలైనంత వరకు ఆ టైటిల్ ని వాడేసి తమ హీరో మూవీకి పబ్లిసిటీ వచ్చేలా చేస్తుంటారు. అందుకే వెరైటీగా.. ఈజీగా ఉండే పేర్లని సినిమా టైటిల్స్ గా పెట్టడానికే హీరోలు- దర్శకులు ప్రాయార్టీ ఇస్తుంటారు.

తన సినిమాల పేర్ల విషయంలోనూ ప్రిన్స్ మహేష్ బాబు జాగ్రత్తగా ఉంటాడు. సింపుల్ గా 3 అక్షరాల్లో ఉండే టైటిల్స్ కే ప్రాధాన్యత ఇస్తుంటాడు. మహేష్ మూవీకి 3 అక్షరాలా పేర్లు ఓ రకంగా సెంటిమెంట్ కూడా. అందుకేనేమో ఇప్పుడు ఏఆర్ మురుగదాస్ కాంబినేషన్లో వస్తోన్న సినిమాకి సంభవామి అనే పేరు ప్రచారం జరుగుతుండటం చాలామందికి నచ్చలేదు. మెజార్టీ ఫ్యాన్సైతే ఆ టైటిల్ పెట్టొదంటూ సోషల్ మీడియా వేదికగా రిక్వెస్ట్స్ కూడా పెడుతున్నారు. ఇలాంటి క్లిష్టమైన పేర్లు మనకెందుకు మార్చాల్సిందే అని పట్టుబడుతున్నారు. నిజానికి సంభవామి అని ఇంకా అధికారికంగా ఎక్కడా ప్రకటించలేదు. కానీ సినిమాని నిర్మిస్తోన్న ప్రొడక్షన్ హౌస్ ఫిల్మ్ ఛాంబర్లో ఆ టైటిల్ ని రిజిష్టర్ చేయించడంతో మహేష్ కొత్త మూవీకి సంభవామి టైటిల్ పెడతారని వినిపిస్తోంది. అందుకే ఫ్యాన్స్ అబ్జక్షన్ చెబుతున్నారు.

గతంలో సుకుమార్ తీసిన 1- నేనోక్కడినే అప్పుడు కూడా ఇలాంటి అభ్యంతరాలే వచ్చాయ్. ముందు వన్ అని పెడితే మార్చమని ఒత్తిడి తెస్తే తర్వాత నేనోక్కడినే యాడ్ చేశారు. మరిప్పుడు ఏం చేస్తారో చూడాలి. అసలు సంభవామి టైటిల్ మహేష్ కేనా? ఒకవేళ అయితే మారుస్తారా? లేక కథ డిమాండ్ చేస్తుందని అర్థం చేసుకోండని ఫ్యాన్స్ కే నచ్చచెబుతారా చూడాలి.


Like Us on Facebook : https://www.facebook.com/Tupakidotcom/