అభిమన్యు దగ్గర ఆగావా మహేష్!!

మహేష్ బాబు నటిస్తున్న కొత్త సినిమా టైటిల్ పేరేంటి అనే ప్రశ్నకు.. బోలెడన్ని ఆప్షన్స్ ఉన్నాయి. ఏ టైటిల్ పెడతారో అనే ఆసక్తి అభిమానుల్లో ఉంటే.. ఏ పేరైతే కరెక్ట్ గా సెట్ అవుతుందనే విషయంలో మేకర్స్ దగ్గర ఆప్షన్స్ తో పాటు డౌట్స్ కూడా ఉన్నాయి.

'చట్టానికి కళ్లు లేవు'.. 'వాస్కో డ గామా'.. 'అభిమన్యు'.. 'ఏజెంట్ శివ'.. 'సంభవామి'.. లతో పాటు రీసెంట్ 'మర్మం' అనే టైటిల్ కూడా వినిపించింది. స్టోరీకి తగ్గట్టుగానూ.. మహేష్ ఫ్యాన్స్ ను అలరించేది గాను.. రెండు భాషల్లో ఒకే పేరు ఉండేదిగాను టైటిల్ ఉండాలన్నది వీరి ఆలోచన. ఇప్పటికి టైటిల్ విషయంలో ఒక క్లారిటీ వచ్చిందట. చివరకు 'అభిమన్యు' టైటిల్ కే ఫిక్స్ అయ్యారట మహేష్ అండ్ మురుగదాస్. కథ ప్రకారం హీరో కేరక్టరైజేషన్ కు ఈ పేరు అయితే సరిగ్గా సూట్ అవుతుందని భావిస్తున్నారట. పేరు కోసం జరిగిన సుదీర్ఘమైన వెతుకులాట.. చివరకు అభిమన్యు దగ్గర ఆగిందని.. త్వరలోనే అనౌన్స్ మెంట్ ఇచ్చేందుకు సిద్ధమవుతున్నారని తెలుస్తోంది.

ఈ మూవీలో రకుల్ ప్రీత్ సింగ్ హీరోయిన్ గా నటిస్తుండగా.. మెయిన్ విలన్ గా తమిళ దర్శకుడు ఎస్ జే సూర్య.. మరో నెగిటివ్ పాత్రలో కోలీవుడ్ నటుడు భరత్ నటిస్తుండడం విశేషం. టైటిల్ ఫిక్స్ అయిపోవడంతో.. ఫస్ట్ లుక్.. టీజర్ లను త్వరలో విడుదల చేసే అవకాశాలున్నాయి. జూన్ 23న ఈ చిత్రాన్ని తెలుగు తమిళ భాషల్లో ఏకకాలంలో విడుదల చేయనున్నారు.

Like Us on Facebook : https://www.facebook.com/Tupakidotcom/