మ‌హేష్ ఫాలో అవుతున్న రెండో వ్యక్తి

సూపర్ స్టార్ మ‌హేష్ బాబు ట్విట్ట‌ర్‌ లో అడుగుపెట్టి ఎనిమిదేళ్లు అవుతోంది. 2010లో ఈ మైక్రోబ్లాగింగ్ సైట్‌ లో ఖాతా తెరిచాడు. అప్ప‌ట్నించి ఇప్ప‌టికీ ఎన్నో ల‌క్ష‌ల మంది మ‌హేష్ ఎకౌంట్‌ను ఫాలో అవుతున్నారు. కానీ మ‌హేష్ ఫాలో అవుతున్న‌ది మాత్రం కేవ‌లం ఒకే ఒక్క‌ర్ని. త‌న బావ గుంటూరు ఎంపీ గల్లా జ‌య‌దేవ్‌ ను మాత్ర‌మే. ఇప్పుడు మ‌హేష్ మ‌రో వ్య‌క్తిని కూడా ఫాలో అవ్వ‌డం మొద‌లుపెట్టాడు. ఆయ‌నెవ‌రో కాదు రెండు బ్లాక్ బ‌స్ట‌ర్ సినిమాల‌ను త‌న ఖాతాలో వేసిన ద‌ర్శ‌కుడు కొర‌టాల శివ‌.

బాలీవుడ్ టాలీవుడ్ కు చెందిన ఎంతో మంది లెజెండ‌రీ న‌టులను ద‌ర్శ‌కుల‌ను ఎంతో మంది తెలుగు హీరోలు ట్విట్ట‌ర్‌ లో ఫాలో అవుతున్నారు. కానీ మ‌హేష్ బాబు మాత్రం త‌న బావ‌ని త‌ప్ప ఎవ‌రినీ ఫాలో అవ్వ‌కుండా వ‌చ్చాడు. అలా ఎనిమిదేళ్లు ఉండ‌డం నిజంగా గ్రేటే. మ‌ళ్లీ ఇప్పుడు మ‌హేష్ మ‌నసును మ‌రో వ్య‌క్తి గెలుచుకున్నాడు. శ్రీమంతుడు సినిమాతో కెరీర్‌ను మ‌లుపు తిప్పిన కొర‌టాల శివ తాజాగా భ‌ర‌త్ అను నేను సినిమాతో మ‌హేష్ మ‌నసును గెలుచుకున్నాడు. అందుకే కొర‌టాల శివ ట్విట్ట‌ర్ ఖాతాను ఫాలో అవ్వ‌డం మొద‌లుపెట్టాడు మ‌హేష్‌. ఇండ‌స్ట్రీలో ఇది నిజంగా హాట్ న్యూసే. ఎనిమిదేళ్లలో అనేక మంది ద‌ర్శ‌కుల‌తో హీరోయిన్ల‌తో న‌టించాడు మ‌హేష్. వారిలో ఒక్క‌రినీ ఇంత‌వ‌ర‌కు ఫాలో అవ్వ‌లేదు. త‌న మ‌న‌సుకు బాగా న‌చ్చిన వ్య‌క్తినే ట్విట్ట‌ర్ లో ఫాలో అవుతాన‌ని మ‌హేష్ చెప్ప‌క‌నే చెబుతున్నాడు.

శ్రీమంతుడు హిట్ కొట్టిన‌ప్పుడు మహేష్ ఆడి ఎస్‌ యూవీ కారును శివ‌కు కానుక‌గా అందించాడు. మొన్న జ‌రిగిన భ‌ర‌త్ సినిమా స‌క్సెస్ మీట్‌ లో కూడా చాలా ఆప్యాయంగా శివను కౌగిలించుకున్నాడు. ఈ రోజు ఇద్ద‌రూ క‌లిసి చార్ట‌ర్డ్ ఫ్లైట్ లో సినిమా ప్ర‌మోష‌న్ కోసం విజ‌య‌వాడ వెళ్లారు. వీరికి మ‌హేష్ బావ గ‌ల్లా జ‌య‌దేవ్ స్వాగ‌తం ప‌లికాడు. అది సంగతి.