పవన్ ప్యాకేజి ఫార్ములాను అప్లై చేస్తున్న మహేష్!

స్టార్ హీరోల పారితోషికం ఎప్పుడూ ఒక హాట్ టాపిక్కే. అందులో ఎటువంటి అనుమానం లేదు. అయితే ఈ రెమ్యూనరేషన్ విషయాలు ఎప్పుడూ ఏ హీరో కూడా ప్రచారం చేసుకోరు. కలెక్షన్ల పోస్టర్లు వేసి గొప్పగా చెప్పుకున్నట్టుగా ఈ పారితోషికం ప్రచారం చేసుకోవడం వీలు కాదు. అయితే ఏదో ఒక రూపంలో ఈ రెమ్యూనరేషన్ కబుర్లు బయటకు వస్తూనే ఉంటాయి. ఈమధ్య పవర్ స్టార్ పవన్ కళ్యాణ్ రీ-ఎంట్రీ సినిమా ఫీజు ఒక హాట్ టాపిక్ అయిన విషయం తెలిసిందే.

పవన్ 'పింక్' రీమేక్ లో నటిస్తున్నారు. ఈ సినిమాకు పవన్ చాలా తక్కువ రోజుల కాల్షీట్స్ ఇచ్చారని.. సినిమాకు మొత్తం ఇంత అనే ప్యాకేజ్ కాకుండా పర్ డే ఇంత అన్నట్టుగా రెమ్యూనరేషన్ తీసుకున్నారని వార్తలు వచ్చాయి. ఈ లెక్కన పవన్ కు భారీ స్థాయిలో పారితోషికం ముట్టిందని సమాచారం. ఓ ఏడాది పాటు సినిమా చేస్తే కానీ స్టార్ హీరోలకు ఈ స్థాయి ఫీజు లభించదని అంటున్నారు. భారీ ఫాలోయింగ్.. క్రేజ్ ఉండే హీరో కాబట్టి పవన్ కు అలాంటి పారితోషికం ఆఫర్ చేశారని.. ఇతర హీరోలకు ఆ రేంజ్ లో రెమ్యూనరేషన్ దక్కే ఛాన్స్ లేదని అన్నారు.

అయితే సూపర్ స్టార్ మహేష్ బాబు ఇప్పుడు పవన్ ప్యాకేజ్ ఫార్ములాను 'F3' సినిమాకు అప్లై చెయ్యబోతున్నారని సమాచారం. అనిల్ రావిపూడి దర్శకత్వంలో తెరకెక్కనున్న ఈ సినిమాలో మహేష్ బాబు సినిమా మొత్తం కనిపించాల్సిన అవసరం లేదు. దీంతో పవర్ స్టార్ తరహాలోనే సూపర్ స్టార్ కూడా పర్ డే రెమ్యూనరేషన్ తీసుకుంటున్నారని.. కాల్ షీట్స్ కూడా అలాగే ఇస్తారని సమాచారం. ఈ సినిమా ద్వారా మహేష్ కు భారీస్థాయిలో పారితోషికం అందుబోతోందని.. అది పవన్ రెమ్యూనరేషన్ కు దాదాపుగా సమానమని అంటున్నారు. నిజమే ఆయన పవర్ స్టార్.. ఈయన సూపర్ స్టార్ ఆమాత్రం ఫీజులు లేకపోతే ఎలా?