నమ్రత మూవీలో మహేష్‌ గెస్ట్‌ రోల్‌??

సూపర్‌ స్టార్‌ మహేష్‌ బాబు తన 25వ చిత్రం ‘మహర్షి’ని పూర్తి చేసే పనిలో బిజీగా ఉన్నాడు. బ్రేక్‌ లేకుండా మహేష్‌ బాబు ‘మహర్షి’ చిత్రీకరణలో పాల్గొంటున్నాడు. వచ్చే ఏడాది ఏప్రిల్‌ లో ఈ చిత్రాన్ని విడుదల చేయబోతున్న విషయం తెల్సిందే. ‘మహర్షి’ విడుదల కాకముందే తన 26వ చిత్రం సుకుమార్‌ దర్శకత్వంలో చేసేందుకు మహేష్‌ బాబు గ్రీన్‌ సిగ్నల్‌ ఇచ్చిన విషయం తెల్సిందే. సుకుమార్‌ సినిమాతో పాటు వచ్చే ఏడాదిలో మహేష్‌ మరో సినిమాను కూడా మొదలు పెడతాడు అంటూ వార్తలు వస్తున్నాయి. ఈ సమయంలోనే నమ్రత నిర్మించబోతున్న సినిమాలో మహేష్‌ గెస్ట్‌ రోల్‌ పోషించబోతున్నాడనే పుకార్లు ప్రస్తుతం సినీ వర్గాల్లో షికార్లు చేస్తున్నాయి.

కొత్త వారిని ప్రోత్సహించే ఉద్దేశ్యంతో జి మహేష్‌ బాబు ఎంటర్‌ టైన్‌ మెంట్స్‌ బ్యానర్‌ లో నమ్రత చిన్న చిత్రాలను తెరకెక్కించేందుకు సిద్దం అవుతున్న విషయం తెల్సిందే. ఇప్పటికే నమ్రత పలు కథలు వినడంతో పాటు, పలు కొత్త దర్శకులకు ఆమె ఆడ్వాన్స్‌ లు కూడా ఇచ్చారు అంటూ సమాచారం అందుతుంది. నమ్రత తన బ్యానర్‌ లో మొదటగా కృష్ణవంశీ దర్శకత్వంలో వచ్చిన ‘అంత:పురం’ మూవీ తరహాలో ఉండే కథతో సినిమాను నిర్మించేందుకు సిద్దం అయ్యిందట. ఆ సినిమాలో ఒక కీలక పాత్ర దాదాపుగా 30 నిమిషాల పాటు ఉంటుందట. ఆ పాత్రను మహేష్‌ తో చేయించాలని నమ్రత భావిస్తున్నారు అంటూ పుకార్ల వినిపిస్తున్నాయి.

తన సొంత బ్యానర్‌ లో మొదటి సినిమా అవ్వడం వల్ల మహేష్‌ బాబు కూడా ఆసక్తిగా ఉన్నాడట. ఈ విషయం నిజమే అయితే నమ్రత నిర్మించబోతున్న చిన్న సినిమా కాస్త పెద్దది అవ్వడం ఖాయం. ఈ చిత్రం కోసం కొత్త నటీనటులను ఎంపిక చేసే పక్రియ కూడా ప్రారంభం అయినట్లుగా తెలుస్తోంది. ఈ పుకార్లపై త్వరలో క్లారిటీ వస్తుందేమో చూద్దాం.