యురోప్ ట్రిప్ తో మహేష్‌ ముగిస్తాడు

తెలుగు సినిమాలో ఈ ఏడాది స్టార్ హీరోలు అంతా సినిమాలు తీయడంలో బిజీగా ఉన్నారు. టాప్ లిస్ట్ హీరోలు అందరూ కొత్త కథలతో నూతనంగా కనపడనున్నారు. అలాగే మహేశ్ బాబు కూడా ఈ ఏడాది రెండు వేరు వేరు కథాంశాలతో వస్తున్నాడు. మహేశ్ ‘స్పైడర్’ సినిమా అయితే గత కొన్ని నెలలుగా ఎప్పుడు విడుదల అవుతుందో కూడా తెలియని స్థితిలో ఉన్న ఇప్పుడు ఒక కచ్చితమైన తేది వచ్చేసింది. ఇంకా అది పూర్తి కాకుండానే కొరటాల శివ డైరక్షన్లో ‘భరత్ అను నేను’ మొదలుపెట్టాడు.

అయితే ఇప్పుడు మహేశ్ బాబు అటు ‘స్పైడర్’ సినిమా పాటలు షూటింగ్ ఇటు ‘భరత్ అనే నేను’ సినిమా షూటింగ్ ఒకే సారి చేస్తున్నాడు. స్పైడర్ సినిమా షూటింగ్ అంతా పూర్తయిన ఒక రెండు పాటలు మిగిలి ఉన్నాయి. రకుల్ ప్రీత్ సింగ్, మహేశ్ బాబు మధ్య రొమాంటిక్ సాంగ్ షూటింగ్ ఒకటి అన్నపూర్ణ స్టూడియోలో నిన్నటితో పూర్తి చేశారు. మరో పాట షూట్ చేయవలిసి ఉందట. దాని కోసం ఆగష్టు 2 నుండి యురోప్ వెళుతున్నారని తెలుస్తోంది. ఈ ట్రిప్ తో స్పైడర్ సినిమా మొత్తం షూటింగ్ అయినట్లుగానే అనుకోవచ్చు.

డైరెక్టర్ మురుగుదాస్ ‘స్పైడర్’ సినిమాను తెలుగు, తమిళ్ భాషలులలో ఒకేసారి విడుదల చేస్తున్నారు. ‘స్పైడర్’ సినిమా సెప్టెంబర్ 27 నాడు విడుదల చేయడానికి సిద్దం చేస్తున్నారు. మురుగదాస్ ఈ మధ్య స్పైడర్ సెట్లో జరిగిన ఒక సరదా వీడియో పోస్ట్ చేశారు. మహేశ్ బాబు స్పైడర్ కు పనిచేసిన అసిస్టెంట్ డైరెక్టర్లుతో కలిసి కొన్ని సరదా ఆటలు ఆడాడు. ఆ సందడిని మురుగుదాస్ సోషల్ మీడియా ద్వారా అభిమానులుకు అందించారు.​ అది సంగతి.