బాలయ్యతో మహేష్.. #శ్రీరెడ్డిలీక్స్

ఇప్పుడు టాలీవుడ్ అంతా శ్రీరెడ్డి కలకలం నెలకొన్న విషయం తెలిసిందే. ఓ యూట్యూబ్ ఛానల్ కి ఇచ్చిన వీడియోతో మొదలైన ఈమె హంగామా.. న్యూస్ ఛానల్స్ లో లైవ్ డిబేట్స్ వరకూ రచ్చ రచ్చ చేసి పారేసింది. టాలీవుడ్ లో పెద్దల బండారం బైట పెట్టే ఆధారాలు ఉన్నాయని హంగామా చేస్తూ.. మొత్తానికి కొన్ని సినిమా ఛాన్సులు అయితే అందుకుంది.

రీసెంట్ గా ఈ భామ తన ఫాలోయర్స్ లో లైవ్ ఛాట్ కూడా చేసింది. ఈ సందర్భంగా.. ఇప్పటివరకూ బైటకు రాని ఓ కొత్త అప్ డేట్ కూడా ఇచ్చింది. నిన్ననే ఎన్.టీ.ఆర్. బయోపిక్ షూటింగ్ స్టార్ట్ అయిన సంగతి తెలిసిందే. అయితే.. ఈ చిత్రం తేజ దర్శకత్వంలోనే రూపొందుతుండగా.. ఇందులో శ్రీరెడ్డికి ఓ రోల్ ఆఫర్ చేసినట్లుగా టాక్. అంతేకాదు.. ఈ సినిమాలో మహేష్ బాబు కూడా నటిస్తున్నాడంటూ చెప్పి.. శ్రీరెడ్డి షాక్ ఇచ్చేసింది. ఎన్.టీ.ఆర్ బయోపిక్ లో.. అంటే బాలకృష్ణ హీరోగా నటించే సినిమాలో మహేష్ బాబు గెస్ట్ రోల్ చేయడం అనే పాయింట్.. అందరినీ ఆశ్చర్యానికి గురిం చేసింది.

బాలయ్య- మహేష్ బాబు కాంబినేషన్ లో సినిమా అంటూ చాలాకాలంగానే మాటలు వినిపిస్తున్నాయి. అయితే.. ఇప్పటివరకూ ఇది సాధ్యం కాలేదు. కానీ ఎన్.టీ.ఆర్. బయోపిక్ ద్వారా ఇది సుసాధ్యం కాబోతోందని అనుకుంటున్నారు ఫ్యాన్స్. అయితే.. ఎన్.టీ.ఆర్. మూవీలో హీరో అండ్ ఫ్యామిలీ రోల్స్ కాకుండా చాలానే అతిథి పాత్రలు ఉంటాయట.