మహేష్ ఎకౌంట్ ఓపెన్ చేశాడు

టాలీవుడ్ స్టార్ హీరోల్లో చాలా తక్కువగా మాట్లాడే హీరోల్లో ఎవరైనా ఉన్నారా అంటే అది సూపర్ స్టార్ మహేష్ బాబు అనే చెప్పాలి. సినిమాల పరంగా అలాగే ఫ్యామిలీకి సంబంధించిన విషయాల గురించి తప్ప మహేష్ ఇతర విషయాల గురించి ఎక్కువగా పట్టించుకోడు. తనకు నచ్చిన సినిమాలు చేసుకుంటూ వెళతాడు. అయితే మహేష్ సోషల్ మీడియాలో కూడా ఎక్కువగా సినిమాలు రిలీజ్ ఉన్న టైమ్ లొనే స్పందిస్తాడు.

ఇక ఈ విషయాన్నీ పక్కనపెట్టి అసలు మ్యాటర్ లోకి వస్తే మహేష్ మరో సోషల్ మిసియా ఎకౌంట్ ని కూడా ఓపెన్ చేశాడు. ఎక్కువగా ఈ సూపర్ స్టార్ ఫొటోస్ ని అభిమానులతో పంచుకుంటాడు. దీంతో ఇన్స్టాగ్రామ్ అయితే బెటర్ అని అక్కడికి షిఫ్ట్ అయినట్లు తెలుస్తోంది. ఇక మహేష్ అలా చేరాడో లేదో ఫాలోవర్స్ సంఖ్య ఊపందుకుంది. ఇక ఆయన సతీమణి నమ్రత ఇన్స్టాగ్రామ్ లో ఎప్పుడో చేరారు. మహేష్ కంటే ఆమె ఎక్కువగా సోషల్ మీడియాలో చురుగ్గా ఉంటారు.

ఇక మహేష్ ఇన్స్టాగ్రామ్ లో అయినా కొంచెం బిజీగా అవుతాడా లేదా అనేది చూడాలి. ప్రస్తుతం కొరటాల శివ దర్శకత్వంలో మహేష్ భరత్ అనే నేను సినిమాను చేస్తోన్న సంగతి తెలిసిందే. ఆ సినిమా దాదాపు పూర్తి కావచ్చింది. మరికొన్ని రోజుల్లో పోస్ట్ ప్రొడక్షన్ పనులను కూడా స్టార్ట్ చేయనున్నారు. కైరా అద్వానీ హీరోయిన్ గా నటిస్తోన్న ఈ సినిమా సమ్మర్ లో రిలీజ్ కానుంది.