మురుగ సినిమా లేట్.. కారణం మహేష్..

సూపర్ స్టార్ మహేష్ బాబు కొత్త సినిమా స్టార్ట్ చేసేస్తున్నాడు. మురుగదాస్ దర్శకత్వంలో లో రూపొందనున్న ఈ చిత్రాన్ని సౌతిండియాలో అత్యంత భారీ యాక్షన్ ఫిలింగా రూపొందించబోతున్నారు. తెలుగు తమిళ భాషల్లో తెరకెక్కనున్న ఈ చిత్రం జూలై 15న షూటింగ్ ప్రారంభం కావాల్సి ఉంది.

అయితే మహేష్ బాబు సినిమా ప్రారంభానికి ఇఫ్పుడు మరింత సమయం పడుతుందని తెలుస్తోంది. ఇందుకు కారణం మహేషే అంటున్నారు. ఈ మూవీలో అండర్ కవర్ కాప్ గా సూపర్ స్టార్ కనిపిస్తాడని అంటున్నారు. అందుకే తన లుక్ లో బోలెడన్ని మార్పులు చూపించనున్నాడట మహేష్. పాత్రకు కావాల్సినట్లుగా మేకోవర్ అయేందుకు మరింత సమయం అవసరం కానుండడంతో.. జూలై నెలాఖరు వరకూ కొత్త సినిమా ప్రారంభాన్ని వాయిదా వేస్తున్నట్లు తెలుస్తోంది. మహేష్-మురుగదాస్ కాంబినేషన్ లో వస్తున్న ఈ చిత్రాన్ని ఫుల్ లెంగ్త్ యాక్షన్ మూవీగా తెరకెక్కించనున్నారు.

100 కోట్లకు పైగా బడ్జెట్ ని ఈ సినిమాకి కేటాయించడం విశేషం. అధికారికంగా ఇంకా ప్రకటించకపోయినా.. వాస్కోడగామా అనే టైటిల్ ని సెట్ చేసే అవకాశం ఉందని తెలుస్తోంది. బాలీవుడ్ భామ పరిణీతి చోప్రాను హీరోయిన్ గా తీసుకోగా.. ఈమెకు 3.5 కోట్ల భారీ పారితోషికం ఇవ్వడం విశేషం. ఓ తెలుగు సినిమా కోసం ఇంత మొత్తం అందుకున్న మొదటి హీరోయిన్ పరిణీతినే.