పిక్ టాక్ : కూతురు తీసిన నాన్న 'సూపర్‌' స్మైల్ ఫోటో

సూపర్ స్టార్ మహేష్ బాబు ఈమద్య కాలంలో ఇన్ స్టా లో రెగ్యులర్ గా పోస్ట్‌ లు చేస్తూ ఉన్నాడు. అభిమానులకు మరింత చేరువగా ఉండటం కోసం అన్నట్లుగా హీరోలు సోషల్‌ మీడియాలో యాక్టివ్‌ అవుతున్నారు.

మహేష్ బాబు ట్విట్టర్.. ఇన్ స్టాగ్రామ్‌.. ఫేస్‌ బుక్ లో ఉంటాడు కాని పెద్దగా పోస్ట్ లు పెట్టడు అని గతంలో సూపర్ ఫ్యాన్స్ ఆవేదన వ్యక్తం చేసేవారు. కానీ ఇప్పుడు సూపర్ స్టార్‌ బ్యాక్ టు బ్యాక్‌ పోస్ట్‌ లతో ఫ్యాన్స్ ను ఉక్కిరి బిక్కిరి చేస్తున్నాడు.

ఇటీవలే తన ఫ్యామిలీ గెట్ టు గెదర్ లో పాల్గొని ఆ ఫోను షేర్ చేశాడు. ఏమాత్రం ఆలస్యం లేకుండా తాజాగా ఈ ఫోటోను మహేష్‌ బాబు షేర్ చేశాడు.

ఈ ఫోటో లో ప్రత్యేకత ఏమీ లేకపోవచ్చు. కాని ఈ ఫోటో ను సితార తీయడం స్పెషల్‌. సితార ఈ ఫోటోను తీసినట్లుగా స్వయంగా మహేష్‌ బాబు తెలియజేస్తూ ఈ ఫోటోను షేర్‌ చేయడంతో వైరల్‌ అయ్యింది.

ఇప్పటివరకు మహేష్ బాబు ఎన్నో ఫోటోలు చూశాం... కాని కూతురు తీయడం వల్లో ఏమో కాని ఈ ఫోటోలో మహేష్‌ బాబు సూపర్‌ స్మైల్‌ తో ఉన్నాడంటూ కామెంట్స్ వస్తున్నాయి. ఈ ఫోటో మహేష్ బాబుకు మాత్రమే కాకుండా ఆయన అభిమానులకు కూడా చాలా స్పెషల్‌ అన్నట్లుగా కామెంట్స్‌ చేస్తున్న వారు చాలా మంది ఉన్నారు.

ఇక మహేష్ బాబు సినిమాల విషయానికి వస్తే ఇటీవలే సర్కారు వారి పాట సినిమాతో ప్రేక్షకుల ముందుకు వచ్చాడు. ఆ సినిమా భారీ విజయాన్ని సొంతం చేసుకుంది. ఇప్పటికే త్రివిక్రమ్‌ దర్శకత్వంలో సినిమా ను చేయాల్సి ఉంది. త్రివిక్రమ్‌ సినిమా ను కాస్త ఆలస్యంగా వచ్చే నెలలో పట్టాలెక్కించబోతున్నారు. ఆ తర్వాత రాజమౌళి దర్శకత్వంలో సినిమా ను చేయబోతున్నాడు.