మ‌హేష్ - మ‌ణిర‌త్నం క‌ల‌యిక‌లో?

బ్ర‌హ్మోత్స‌వం త‌ర్వాత సూప‌ర్‌ స్టార్ మ‌హేష్ ఎవ‌రికి గ్రీన్‌ సిగ్న‌ల్ ఇవ్వ‌బోతున్నాడు? ఏ ద‌ర్శ‌కుడికి ఆ ఛాన్స్ ద‌క్క‌నుంది. ప్ర‌స్తుతం ఇదో డిష్క‌స‌న్ పాయింట్. మొన్న‌టి రోజున పూరి జ‌గ‌న్‌ని ఈ ప్ర‌శ్న అడిగితే క‌థ రెడీ. ఓకే అయిపోయింది అని అన్నాడు. అత‌డి కాన్ఫిడెన్స్ చూస్తే బ్ర‌హ్మోత్స‌వం త‌ర్వాత నాకే ఛాన్స్ అన్న‌ట్టే క‌నిపించింది. బావ క‌ళ్ల‌లో ఆనందం క‌నిపించిన‌ట్టే క‌నిపించింది. అయితే ఇంత‌లోనే సీన్ రివ‌ర్సు గేర్‌ లో వెళితే అన్న సందేహాలొచ్చాయి జ‌నాల‌కు. . ఇప్ప‌టికే మ‌హేష్ త్రివిక్ర‌మ్‌ - మురుగ‌దాస్ లాంటి స్టార్ డైరెక్ట‌ర్ల‌కు గ్రీన్‌ సిగ్న‌ల్ ఇచ్చేశాడు. వాళ్ల‌లో ఎవ‌రైనా వినిపించిన క‌థ న‌చ్చి ప్లాన్ మార్చుకుంటే .. అని కూడా అనుకున్నారు. అయితే ఇదిలా ఉండ‌గానే ఇంత‌లోనే మ‌ణిర‌త్నం ద‌ర్శ‌క‌త్వంలో వ‌చ్చే ఏడాది తెర‌కెక్క‌నున్న మ‌ల్టీస్టార‌ర్‌ లో మ‌హేష్ న‌టిస్తార‌ని టాలీవుడ్‌ లో ప్ర‌చారం ఊపందుకుంది.

ఇటీవ‌లే మ‌ణిరత్నం మ‌హేష్‌ ని క‌లిసి క‌థ వినిపించారు. అత‌డి నుంచి పాజిటివ్ సైన్ క‌నిపించింది. ఇదో మ‌ల్టీస్టార‌ర్‌. మ‌హేష్ సిద్ధ‌మే అని వార్త‌లు వినిపిస్తున్నాయి. ఓకే బంగారం చిత్రంతో మ‌ణి స‌ర్ హిట్ కొట్టి లైమ్‌ లైట్‌ లోకొచ్చారు. పైగా మ‌హేష్ ఈ స్టార్ డైరెక్ట‌ర్‌ కి వీరాభిమాని. ఎప్ప‌టికైనా సినిమా చేయాల‌న్న ప్లాన్ ఉంది. అది ఇదే అవుతుంద‌ని చెప్పుకుంటున్నారు. అయితే వార్త‌ను మ‌హేష్ కానీ, లేదా ఎవ‌రైనా ఫ్యామిలీ మెంబ‌ర్ కానీ ధృవీక‌రించాల్సి ఉందింకా. గ‌తంలోనూ మ‌హేష్ - నాగార్జున హీరోలుగా మ‌ణిర‌త్నం ఓ మల్టీస్టార‌ర్ తెర‌కెక్కించేందుకు స‌న్నాహాలు చేశారు. కానీ మ‌హేష్‌ కి అప్ప‌ట్లో కుద‌ర‌లేదు. ఆ ప్రాజెక్టు ఆరంభ‌మే కొలాప్స్ అయ్యింది. ఇప్పుడు అలా జ‌ర‌గ‌కుండా మ‌హేష్ ఓకే చెప్పేస్తాడ‌నే అనిపిస్తోంది. వెయిట్ అండ్ సీ.