మహేష్ - మురగదాస్..వర్కవుటైతేనా!

మహేష్ బాబుతో సినిమా చేయడానికి పొరుగు ఇండస్ట్రీల డైరెక్టర్ లకు కూడా బాగానే ఆసక్తి ఉంది. మనోడు బాలీవుడ్ కు వస్తానంటే చాలు.. అక్కడివాళ్లు రెడ్ కార్పెట్ పరిచి సినిమా చేయడానికి సిద్ధంగా ఉన్నారు. కానీ మహేష్ పెద్దగా ఆసక్తి చూపడు. ఇక తమిళ డైరెక్టర్లకు కూడా మహేష్ అంటే మోజుంది. స్టార్ డైరెక్టర్ లింగుస్వామి మహేష్ తో సినిమా కోసం ఒకప్పుడు గట్టిగా ట్రై చేశాడు కానీ.. ఫలితం లేకపోయింది. ఒక్క ఎస్.జె.సూర్యతో మాత్రమే తెలుగులో ఓ సినిమా చేశాడు నాని. ఆ తర్వాత తమిళ డైరెక్టర్ల జోలికి వెళ్లలేదు. ఐతే టాప్ డైరెక్టర్ మురుగదాస్ మహేష్ తో సినిమా చేయడానికి ఆసక్తితో ఉన్నట్లు తెలుస్తోంది. త్వరలోనే వీళ్లిద్దరి కాంబినేషన్ వర్కవుటయ్యే అవకాశాలు కూడా ఉన్నాయట.

దిల్ రాజుతో కలిసి తెలుగులో సినిమాలు నిర్మించడానికి మురుగదాస్ సన్నాహాలు చేసుకుంటున్న సంగతి తెలిసిందే. ముందుగా మొదలయ్యే సినిమా ఏదో కానీ.. మహేష్ తో తన స్వీయ దర్శకత్వంలో రాజుతో కలిసి సినిమా నిర్మించాలని అనుకుంటున్నాడట మురుగ. ఈ డైరెక్టర్ మీద ఉన్న గౌరవంతో మహేష్ కూడా సినిమా చేయడానికి ఆసక్తితోనే ఉన్నట్లు తెలుస్తోంది. ఒకవేళ ఈ కాంబినేషన్ వర్కవుటైతే మాత్రం ఇద్దిరకీ ఉభయ తారకంగానే ఉంటుంది. ఎప్పట్నుంచో తమిళంలో మార్కెట్ పెంచుకోవాలని చూస్తున్న మహేష్ కు ఆ లోటు తీరిపోతుంది. సౌత్ ఇండియా మొత్తంలో ఈ సినిమాకు మార్కెట్ లభిస్తుంది. సినిమా బాగుంటే వసూళ్ల పంట పండించుకోవచ్చు. మరి ఈ సెన్సేషనల్ కాంబినేషన్ ఎప్పటికి తెరపైకి వస్తుందో చూడాలి.