లీక్డ్ ఫోటో: హాలీవుడ్ హీరోలా మహేష్!

హీరోల్లో ప్రతిఒక్కరికి ఒక యు ఎస్ పీ ఉంటుంది. తెలిసిన వాళ్ళకు సరే.. తెలియని వాళ్ళకోసం మీనింగ్ చెప్పుకుందాం. యూ ఎస్ పీ అంటే 'యునీక్ సెల్లింగ్ పాయింట్'. అంటే ప్రతి హీరోలో తనకు మాత్రమే ఉన్న స్పెషాలిటీ అన్నమాట. సూపర్ స్టార్ మహేష్ బాబు ను తీసుకుంటే 'లుక్స్' అయన స్పెషల్ అని ప్రత్యేకంగా చెప్పనవసరం లేదు కదా. మహేష్ తో ఈ విషయంలో సౌత్ స్టార్ హీరోలే కాదు.. బాలీవుడ్ స్టార్స్ కూడా పోటీ పడడం కష్టం.

ఇక ఈ విషయం మరోసారి ప్రూవ్ అయింది. మహేష్ ప్రస్తుతం తన ల్యాండ్ మార్క్ చిత్రం 'మహర్షి' లో నటిస్తున్నాడు అనే సంగతి తెలుసు కదా. ఈ సినిమా టీజర్ లో ఎవర్ యంగ్ గా కాలేజి కుర్రాడి గెటప్ లో కనిపించి అందరినీ మెస్మరైజ్ చేశాడు. తాజాగా 'మహర్షి' షూట్ లొకేషన్ నుండి ఒక ఫోటో లీక్ అయింది. సాధారణంగా ఫోటో లీక్ చేయడం తప్పే. కానీ ఈ ఫోటో చూస్తే మాత్రం ఆ లీక్ చేసినవాడిని ఆ పని చేసినందుకు మెచ్చుకోవాలని అనిపించేలా ఉంది. మహేష్ అంత హ్యాండ్ సమ్ గా.. మ్యాన్లీ గా ఉన్నాడు. సింపుల్ గా చెప్తే ఓ హాలీవుడ్ హీరో లుక్స్ తో ఉన్నాడు.

ఇక లీకయిన పిక్ లోనే ఇలా ఉంటే.. సిల్వర్ స్క్రీన్ పై 'మహర్షి' సినిమా చూస్తే ఎలా ఉంటాడో? ఏంటో అందరికీ వయసు పెరిగితే అందం తగ్గుతుంది. కానీ మహేష్ విషయం లో అది రివర్స్ లో ఉంది. సూపర్ స్టార్ కృష్ణ తన ముద్దుల కొడుక్కి గ్లామర్ మెయింటైన్ చేయడానికి ఏం సీక్రెట్ చెప్పాడో!