సితార డెబ్యూ సంద‌డిలా ఉంది!

సూప‌ర్ స్టార్ మ‌హేష్ న‌ట‌వార‌సురాలిగా సితార తెరంగేట్రం చేయ‌బోతోందా? అంటే అవును నిజమే! అన్నంత‌గా సంద‌డి క‌నిపిస్తోంది. మ‌హేష్ ప్ర‌స్తుతం మ‌హ‌ర్షి పెండింగ్ చిత్రీక‌ర‌ణ‌లో బిజీబిజీగా ఉన్నారు. మే 9న రిలీజ్ అంటూ ప్ర‌క‌టించారు కాబ‌ట్టి బ్యాలెన్స్ చిత్రీక‌ర‌ణ‌ల్ని పూర్తి చేసే ప‌నిలో ఉన్నారు వంశీ పైడిప‌ల్లి. అయితే గ‌త కొంత‌కాలంగా సితార ఆన్ లొకేష‌న్ చేస్తున్న సంద‌డి అంతా ఇంతా కాదు.

డాడ్ మ‌హేష్ చెంత‌కు చేరి అల్ల‌ర‌ల్ల‌రి చేస్తోంది. ఆ అల్ల‌రిని కెమెరాల్లో అందంగా బంధించి ఇదిగో ఇలా లొకేష‌న్ నుంచే అభిమానుల‌కు షేర్ చేశారు. `చోటి చోటి బాతే..` అంటూ సితార క్యూట్ ఎక్స్ ప్రెష‌న్స్ కి - సంబంధించిన ఫోటోల్ని మ‌హేష్ స్వ‌యంగా సామాజిక మాధ్య‌మాల్లో షేర్ చేశారు. ఈ ఫోటోల్లో సితార‌ ర‌క‌ర‌కాల క్యూట్ ఎక్స్ ప్రెష‌న్స్ అంద‌రినీ మైమ‌రిపిస్తున్నాయి. ``మై సితార పాప.. మై ఆల్వేస్ స్ట్రెస్ బ‌స్ట‌ర్`` అంటూ ట్వీట్ చేశారు మ‌హేష్. మ‌హ‌ర్షి ఆన్ సెట్స్ ఫోటోలు ఇవి అంటూ తెలిపారు. ఇంత‌కీ సితార‌ను చూశాకే .. చోటి చోటి బాతే.. అంటూ కొత్త ప‌ల్ల‌వి అందుకున్నాడా దేవీశ్రీ అన్న‌ది తెలియాల్సి ఉంది. అప్ప‌ట్లో సితార తో క‌లిసి ఉన్న కొన్ని ఫోటోల్ని రాక్ స్టార్ దేవీ సామాజిక మాధ్య‌మాల్లో రివీల్ చేసిన సంగ‌తి తెలిసిందే.

మొన్న‌టికి మొన్న ఏఎంబీ సినిమాస్ థియేట‌ర్ ప్రాంగ‌ణంలో మ్యాడ‌మ్ టుస్సాడ్స్ వాళ్లు మ‌హేష్‌ మైన‌పు విగ్ర‌హాన్ని ఆవిష్క‌రించిన‌ప్పుడు అబ్బుర ప‌డిపోతూ ఆ విగ్ర‌హాన్ని చూస్తూ అలానే ఉండిపోయంది సితార‌. విగ్ర‌హం వైపు, డాడ్ వైపు పోల్చి చూస్తూ చాలానే మురిసిపోయింది. ఆ ఫోటోల్ని అభిమానుల‌కు షేర్ చేసింది మీడియా. జ‌గ‌మంతా సితార మ‌యం .. ఘ‌ట్ట‌మ‌నేని అభిమానుల‌కు బోలెడంత వినోదం ఈ క్యూట్ కిడ్ అల్ల‌రితో. అన్న‌ట్టు మాస్ట‌ర్ గౌత‌మ్ 1-నేనొక్క‌డినే చిత్రంలో డెబ్యూ ఇచ్చాడు. బాల న‌టిగా సితార డెబ్యూ ఎప్పుడు?.. మ‌హేష్ ఆ శుభ‌వార్త కూడా చెబుతారేమో?