మరో మహర్షికి గ్రౌండ్ రెడీనా?

ప్రేక్షకుల అభిప్రాయాలు అభిమానుల మాట ఎలా ఉన్నా తన కెరీర్ లోనే మహేష్ బాబు బెస్ట్ మూవీగా భావించే మహర్షి దర్శకుడు వంశీ పైడిపల్లి దానితో జాక్ పాట్ కొట్టినట్టే కనిపిస్తున్నాడు. వంశీ మేకింగ్ స్టైల్ కి ఫిదా అయిపోయిన మహేష్ తనతో వీలైనంత త్వరగా ఇంకో సినిమా చేస్తానని ప్రమోషన్స్ లోనే ప్రకటించాడు. దానికి తగ్గట్టే కొత్త కథను సిద్ధం చేయడంలో ఇన్ని రోజులు బిజీగా ఉన్న వంశీ పైడిపల్లి దానికి ఫైనల్ టచ్ ఇచ్చే పనిలో ఉన్నాడట.

సరిలేరు నీకెవ్వరుకు షూటింగ్ కు ఏదైనా బ్రేక్ వచ్చినప్పుడు నెరేషన్ ఇస్తానని వంశీ అడగడం వెంటనే మహేష్ ఎస్ చెప్పడం జరిగాయని వినికిడి. రెండు మూడు సిటింగ్స్ లో ఎలాగూ ఓకే అయిపోతుంది కాబట్టి పక్కా స్క్రిప్ట్ తో మొత్తం రెడీ చేస్తున్నట్టు తెలిసింది ఒకవేళ ఇదే నిజమైతే కనుక ఇప్పటికే వెయిటింగ్ లిస్ట్ లో ఉన్న ఇతర దర్శకులకు గ్యాప్ తప్పదు.

సుకుమార్ సందీప్ రెడ్డి వంగా కొరటాల శివ - త్రివిక్రమ్ ఇలా చాలా పేర్లు వినిపిస్తున్నాయి కానీ అనిల్ రావిపూడి తర్వాత ఆ గోల్డెన్ ఛాన్స్ అందుకునే భాగ్యం ఎవరిదో మాత్రం అర్థం కావడం లేదు. తనకు దర్శకుడితో సింక్ అయితే రెండో సినిమా వెంటనే చేయడానికి ఎప్పుడూ వెనుకాడని మహేష్ ఇప్పుడు వంశీ పైడిపల్లి విషయంలోనూ అలాంటి నిర్ణయమే తీసుకున్నాడట. సో మహర్షిని మించిన మేజిక్ కోసం ఈ కాంబినేషన్ మరోసారి రిపీట్ అవుతుందో లేదో వేచి చూడాలి.