సొంత థియేట‌ర్లో మ‌హేశ్ అడిగితే టికెట్లు లేవ‌న్నార‌ట‌!

సినిమా చూడాల‌ని సామాన్యుడి ఫిక్స్ అయితే.. టికెట్లు అయిపోయినా.. ఏదోలా చేతికి వ‌చ్చేసే ప‌రిస్థితి. అలాంటిది సూప‌ర్ స్టార్ మ‌హేశ్ బాబు లాంటోడు సినిమా చూడాల‌ని అనుకుంటే.. టికెట్లు దొర‌క్కుండా ఉంటాయా? అంటే.. అవున‌నే చెబుతున్నారు మ‌హేశ్‌. ఆస‌క్తిక‌ర‌మైన ఈ ముచ్చ‌ట‌ను మ‌హేశ్ స్వ‌యంగా చెప్పారు.

మ‌హేశ్ మ‌రో స్నేహితుడు సునీల్ నారంగ్ తో క‌లిసి ఎఎంబీ మాల్ నిర్మించ‌టం తెలిసిందే. సినిమా థియేట‌ర్లు ఇలా కూడా ఉంటాయా? అన్న భావ‌న క‌లిగేలా.. ఫైవ్ స్టార్ హోట‌ల్ ను త‌ల‌పించేలా మ‌ల్టీఫ్లెక్స్ ను నిర్మించిన వైనం తెలిసిందే. ఆరేళ్ల కింద‌ట నేనొక్క‌డినే మూవీ చేస్తున్న‌ప్పుడు.. త‌న తండ్రి కృష్ణా.. సునీల్ నారంగ్ తో మాట్లాడి సినిమా థియేట‌ర్ స్టార్ట్ చేద్దామ‌నుకున్నాన‌ని.. ఆ థియేట‌ర్ సౌండ్ ప‌రంగా.. స్క్రీన్ ప‌రంగా అత్యుత్త‌మంగా ఉండాల‌ని తాను అనుకున్న‌ట్లు చెప్పారు.

స్టార్ హోట‌ల్ ను త‌ల‌పించేలా థియేట‌ర్ ఉండాల‌ని తాను భ‌వించాన‌ని.. అదిప్పుడు ఎఎంబీ మాల్ అయ్యింద‌న్నారు. త‌న క‌ల సాకారం కావ‌టంపై హ్యపీగా ఫీల్ అవుతున్న మ‌హేశ్ బాబు.. తాను త్వ‌ర‌లోనే అవెంజ‌ర్స్ మూవీని చూడాల‌ని అనుకుంటున్న‌ట్లు చెప్పారు. అదేంటి? ఇంత ఆల‌స్య‌మా? అంటే.. ఏడు గంట‌ల షోకి టికెట్లు అడిగాన‌ని.. లేవ‌ని చెప్పిన‌ట్లుగా న‌వ్వుతూ చెప్పారు. మొత్తానికి త‌న మాట‌ల‌తో త‌న మల్టీఫ్లెక్స్ వ్యాపారం ఎంత‌లా సాగుతుందో చెప్పేసిన‌ట్లే క‌దూ!