మహేష్ హ్యాట్రిక్ కంప్లీట్ చేస్తాడా?

ఇప్పుడో హ్యాట్రిక్ ని కంప్లీట్ చేయాల్సిన బాధ్యత టాలీవుడ్ సూపర్ స్టార్ మహేష్ బాబుపై పడింది. అయితే ఇది తన పర్సనల్ హ్యాట్రిక్ కాదు. ఎందుకంటే ఆగడు ఫ్లాప్ తర్వాత్ మహేష్ ఖాతాలో ఉన్నది శ్రీమంతుడు హిట్ ఒకటే. కానీ తనతో మూవీ చేస్తున్న బ్రహ్మోత్సవం నిర్మాతలకు మహేష్ హిట్ అందిస్తాడా అన్నదే క్వశ్చన్.

వరుస ఫ్లాపుల తర్వాత పీవీపీ బ్యానర్ పై తొలి హిట్ గా నిలిచింది క్షణం. ఆ బ్యానర్ పై నిర్మించిన సినిమాల్లో అతి తక్కువ పెట్టుబడితో రూపొందడమే కాదు.. బడ్జెట్ పరంగా అతి ఎక్కువ లాభాలను ఇచ్చినది కూడా క్షణం మూవీనే. రీసెంట్ గా పీవీపీ బేనర్ పైనే వచ్చిన నాగ్ - కార్తీల మూవీ ఊపిరికి మంచి టాక్ వచ్చింది. అన్ని ఏరియాల నుంచి రెస్పాన్స్ బాగుంది, వసూళ్లు కూడా స్ట్రాంగ్ గానే ఉన్నాయి. అంటే ఊపిరి కూడా పెట్టిన పెట్టుబడులను ఖచ్చితంగా వెనక్కు తెచ్చేసే సినిమానే.

ఇక పీవీపీ బ్యానర్ పై రానున్న మరుసటి చిత్రం మహేష్ బాబు 'బ్రహ్మోత్సవం'. ఇది కూడా హిట్ అయితే ఆ బ్యానర్ హ్యాట్రిక్ హిట్స్ కొట్టేసినట్లే. ఈ చిత్రానికి అన్నిటి కంటే మెయిన్ ఎట్రాక్షన్ మహేష్ కాబట్టి.. హిట్ ఇవ్వాల్సిన బాధ్యత సూపర్ స్టార్ దే. ఇక డైరెక్టర్ శ్రీకాంత్ అడ్డాలకు కూడా.. బ్రహ్మోత్సవం హిట్ కావడం చాలా ముఖ్యం. ముకుంద అంటూ తీసిన గత చిత్రం ఫెయిల్ అవడంతో.. మహేష్ తో మూవీని చాలా జాగ్రత్తగా చిత్రీకరిస్తున్నాడు ఈ డైరెక్టర్.