బ్రహ్మోత్సవానికి ఎంట్రీ ఫీక్సయ్యింది

శ్రీ‌మంతుడు చిత్రంతో రికార్డులు తిర‌గ‌రాసిన హీరోగా మ‌హేష్ ప్ర‌శంస‌లు అందుకుంటున్నాడు. ఖుషీ మోడ్‌ లో ఉన్న‌ప్పుడే విదేశీ టూర్ ముగించుకుని తిరిగి వ‌చ్చేశాడు. విరామ స‌మ‌యం పూర్త‌యింది. ఇక మ‌ళ్లీ వేట‌కు సిద్ధ‌మ‌వుతున్నాడు. శ్రీ‌కాంత్ అడ్డాల ద‌ర్శ‌క‌త్వంలోని బ్ర‌హ్మోత్స‌వం ఈ శుక్ర‌వార‌మే మొద‌ల‌వుతోంది. యూనిట్ స‌మ‌క్షంలో లాంఛ‌నంగా ఠెంకాయ కార్య‌క్ర‌మం పూర్త‌వుతుంది. అయితే పూజా కార్య‌క్ర‌మాల్లో మ‌హేష్ పాల్గొన‌డు. అత‌డు డైరెక్ట్‌ గా సెట్‌ లోనే యూనిట్‌ తో క‌లుస్తాడు. ఈనెల 16 నుంచి ప్రిన్స్ మ‌హేష్ షూటింగులో పాల్గొంటాడని స‌న్నిహిత వ‌ర్గాలు చెబుతున్నాయి.

మ‌హేష్ సెంటిమెంటునే ఫాలో అవుతున్నాడు ఈసారి కూడా. అంతేకాదు ఈసారి ప్రిన్స్ ముగ్గురు భామ‌ల‌తో రొమాన్స్ చేస్తున్నాడు. కెరీర్‌ లోనే ఇలా చేయ‌డం ఇదే తొలిసారి. స‌మంత‌, కాజ‌ల్‌, ప్ర‌ణీత అత‌డి స‌ర‌స‌న నాయిక‌లుగా న‌టిస్తున్నారు. ఇదో రొమాంటిక్ ఫ్యామిలీ ఎంట‌ర్‌ టైన‌ర్ అన్న సంగ‌తి కాస్టింగ్‌ ని బ‌ట్టే అంచ‌నా వేసేయొచ్చు. మిక్కీ.జె.మేయర్ సంగీతం అందిస్తున్నాడు. పివిపి సినిమాస్ ప‌తాకంపై పొట్లూరి.వి.వ‌ర‌ప్ర‌సాద్ నిర్మిస్తున్నారు. తెలుగు, త‌మిళ్ రెండుచోట్లా ఈసినిమా ఏక‌కాలంలో రిలీజ‌వుతుంది.