'మేజ‌ర్‌' వెన‌క మ‌హేష్ అంత క‌థ‌ న‌డిపించారా?

ప్ర‌స్తుతం దేశ వ్యాప్తంగా ట్రెండింగ్ అవుతున్న మూవీ `మేజ‌ర్‌`. ఈ మూవీతో పాటు మ‌రో ఇద్ద‌రి పేరు వైర‌ల్ గా మారింది. వారే యంగ్ అండ్ టాలెంటెడ్ హీరో అడివి శేష్‌.. మ‌రొక‌రు సూప‌ర్ స్టార్ మ‌హేష్‌. ఈ సినిమాకు అనురాగ్ రెడ్డి, శ‌ర‌త్ చంద్ర‌ల‌తో క‌లిసి ఈ మూవీని నిర్మించారు. 2008 లో ముంబై తాజ్ మ‌హ‌ల్ హోట‌ల్ లో ఉగ్ర‌వాదులు జ‌రిపిన మార‌ణ హోమం నేప‌థ్యంలో ప్రాణాల‌కు తెగించి వీరోచిత పోరాటం చేసిన మేజ‌ర్ సందీప్ ఉన్నికృష్ణ‌న్ య‌దార్ధ గాధ ఆధారంగా ఈ చిత్రాన్ని తెర‌కెక్కించారు.

జూన్ 3న ప్ర‌పంచ వ్యాప్తంగా తెలుగు, మ‌ల‌యాళ, హిందీ భాష‌ల్లో విడుద‌ల కాబోతోంది. బాలీవుడ్ బ్యూటీ స‌యీ మంజ్రేక‌ర్ హీరోయిన్ గా న‌టించ‌గా, శోభితా ధూళిపాళ‌, ప్ర‌కాష్ రాజ్‌, రేవ‌తి, ముర‌ళీశ‌ర్మ ప్ర‌ధాన పాత్ర‌ల్లో న‌టించారు. శ‌శి కిర‌ణ్ తిక్క డైరెక్ట్ చేశారు. ఈ మూవీకి స‌యీ మంజ్రేక‌ర్ మిన‌హా యావ‌త్ టీమ్ మొత్తం `గూఢ‌చారి` టీమ్ క‌నిపిస్తోంది. టీమ్ టీమ్ మొత్తం `గూఢ‌చారి` టీమ్ నే ఈ మూవీకి ఎండుకు తీసుకున్నారు అన్న‌ది ఇప్ప‌డు ఆస‌క్తిక‌రంగా మారింది.

దీని వెన‌కున్న క‌థేంటా అని ఆరాతీస్తే ఆస‌క్తిక‌ర‌మైన విష‌యం ఒక‌టి బ‌య‌ట‌ప‌డింది. `గూఢ‌చారి`టీమ్ మొత్తం `మేజ‌ర్‌` సినిమాకు క‌లిసి ప‌ని చేయ‌డానికి ప్ర‌ధాన కార‌ణం హీరో సూప‌ర్ స్టార్‌ మహేష్ బాబు అని తెలిసింది. ముందు మేజ‌ర్ క‌థ‌ని అడివి శేష్ సూప‌ర్ స్టార్ మ‌హేష్ కు వినిపించార‌ట‌. స్టోరీ విని ఎక్సైట్ అయిన మ‌హేష్ ఈ మూవీకి `గూఢ‌చారి` టీమ్ అయితేనే తాను అసోసియేట్ అవుతాన‌ని కండీష‌న్ పెట్టార‌ట‌. ఆ మాట విన్న అడివి శేష్ అందుకు అంగీక‌రించి అదే టీమ్ ని `మేజ‌ర్` కోసం రంగంలోకి దింపాడ‌ట‌.

అలా `గూఢ‌చారి` టీమ్ `మేజ‌ర్ మూవీకి మ‌హేష్ కార‌ణంగా సెట్ట‌యింద‌ని తెలిసింది. అత్యంత త‌క్కువ బ‌డ్జెట్ తో మైండ్ బ్లోయింగ్ అవుట్ పుట్ ని `గూఢ‌చారి` టీమ్ అందించింది. అన్న‌పూర్ణ స్టూడియోస్ లో వీరి వ‌ర్క్ చూసిన నాగార్జున ఫిదా అయ్యార‌ట‌. అదే విష‌యాన్ని చాలా సంద‌ర్భాల్లో నాగ్ మీడియా ముఖంగా వెల్ల‌డించారు కూడా. అదే త‌ర‌హాలో మ‌హేష్ కూడా `గూఢ‌చారి` మేకింగ్ కి ఫిదా అయ్యార‌ట‌. ఆ కార‌ణంగానే `మేజ‌ర్‌` కు ఆ టీమ్ అయితేనే తాను ఈ మూవీకి భాగ‌స్వామిగా వ్య‌వ‌హ‌రిస్తాన‌నే కండీష‌న్ తో ముందుకు వ‌చ్చార‌ట‌. ఈ విష‌యాన్ని తాజాగా `మేజ‌ర్‌` చిత్ర బృందం మీడియా ముఖంగా వెల్ల‌డించింది.