మురుగదాస్ సినిమా.. మహేష్ మాట్లాడాడు

మహేష్ బాబు-మురుగదాస్ కాంబినేషన్లో సినిమా గురించి గత ఏడాది నుంచి చర్చ జరుగుతోంది. ఈ సినిమాకు సంబంధించి మీడియాలో చాలా వార్తలొచ్చాయి. ఈ స్టోరీ గురించి.. హీరోయిన్ గురించి.. షూటింగ్ షెడ్యూళ్ల గురించి.. లొకేషన్ల గురించి ఇప్పటికే చాలా రకాల వార్తలు వినిపించాయి. ఐతే మహేష్ ఇప్పటిదాకా ఈ సినిమా గురించి ఒక్కసారి కూడా మాట్లాడలేదు. ఐతే ‘బ్రహ్మోత్సవం’ విడుదలకు సిద్దమవుతున్న నేపథ్యంలో మీడియాకు ఇంటర్వ్యూలిచ్చిన మహేష్.. మురుగదాస్ సినిమా గురించి స్పందించాడు.

‘‘మురుగదాస్ నా అభిమాన దర్శకుడు. ‘గజిని’ సినిమా దగ్గర్నుంచి ఆయనతో సినిమా చేయాలని ఎదురు చూస్తున్నా. ఎట్టకేలకు కుదిరింది. ఆయనతో సినిమా చేయాలన్న నా కల నెరవేరుతున్నందుకు సంతోషంగా ఉంది. నేను చేసిన ‘ఒక్కడు’ సినిమా మురుగదాస్‌ కు చాలా ఇష్టం.

శ్రీమంతుడు తమిళ వెర్షన్ ప్రచారంలో భాగంగా గత ఏడాది చెన్నైలో ఆయన్ని కలిశా. ఆ సందర్భంలోనే ఓ లైన్ చెప్పారు. చాలా నచ్చింది. సినిమా చేయడానికి ఓకే చెప్పేశా. ఈ సినిమాకు ఎన్వీ ప్రసాద్ నిర్మాత. బ్రహ్మోత్సవం విడుదలయ్యాక ఓ 15-20 రోజులు విశ్రాంతి తీసుకుని ఈ సినిమా షూటింగ్‌ లో పాల్గొంటా. సినిమా ప్రారంభమయ్యే రోజు పూర్తి వివరాలు వెల్లడిస్తాం’’ అని మహేష్ చెప్పాడు. వచ్చే మూడేళ్లు ఖాళీ లేనంతగా తనకు కమిట్మెంట్లు ఉన్నాయని చెప్పిన మహేష్ బాబు.. మురుగదాస్ సినిమాకు తప్ప ఇంకే సినిమాకూ కథ ఫైనలైజ్ కాలేదని చెప్పాడు.