మహేష్ ని ఎప్పుడు ఇలా చూడలేదే ?

గతంలో ఎన్నడూ లేని విధంగా మహేష్ బాబు మహర్షి ప్రమోషన్ లో చాలా యాక్టివ్ గా ఉండటమే కాదు బాడీ లాంగ్వేజ్ తో సహా చాలా విషయాల్లో మార్పు చూపిస్తున్నాడు. సాధారణంగా ప్రిన్స్ తన సినిమా ఎంత బ్లాక్ బస్టర్ అయినా ఓవర్ ఎగ్జైట్ అవ్వడు. ఒక్కడు పోకిరి టైంలో ఇంతకు మించిన విజయం దక్కినా కూడా బాలన్స్ గానే ఉన్నాడు.

కానీ నిన్న సక్సెస్ మీట్ లో కాలర్ ఎగరేసి వారం లోపు తన కెరీర్ బెస్ట్ రికార్డ్స్ ని బద్దలు కొడతాను అని చెప్పడం ఇలాంటివి కొంచెం కొత్తగానే ఉన్నాయి. సోషల్ మీడియాని సైతం ఇదే రేంజ్ లో వాడేస్తున్నాడు. వీకెండ్ అగ్రికల్చర్ చేస్తున్న వాళ్ళ ఫోటోలు వీడియోలు పెట్టడం ఆనందాన్ని పంచుకోవడం ఇవన్నీ మాములుగా లేవు. అభిమానులు కూడా మహేష్ ని ఇలా చూడలేదే అంటున్నారు

ఇదంతా ఒక ఎత్తు అయితే దర్శకుడు వంశీ పైడిపల్లిని మహేష్ కిస్ చేస్తున్న ఫోటో తెగ వైరల్ అయిపోయింది. తనకు ఇండస్ట్రీ హిట్స్ ఇచ్చిన గుణశేఖర్ పూరి జగన్నాధ్ కొరటాల శివలకు కానుకలు కాంప్లిమెంట్స్ ఇచ్చాడు కానీ ఇలా ముద్దులు పెట్టిన దాఖలాలు మాత్రం లేవు. ఇదే ఫస్ట్ టైం అని చెప్పొచ్చు.

అమ్మాయిలే మహేష్ ముద్దు అపురూపం అని ఫీలయ్యే ట్రెండ్ లో ఇలా ఏకంగా వంశీ పైడిపల్లి కిస్ అందుకోవడం విశేషమేగా. ఇలాంటివి చూస్తేనే మహేష్ ఎగ్జైట్ మెంట్ ఏ రేంజ్ లో ఉందొ అర్థమవుతోంది. ఇప్పటికే గ్రాండ్ వీకెండ్ ని పూర్తి చేసుకున్న మహర్షి ఇవాళ్టి నుంచి జోరు ఎలా కొనసాగిస్తాడు అనే దాని మీదే ట్రేడ్ ఆసక్తిగా ఎదురు చూస్తోంది. ఇన్ని చేస్తున్నాడు కాబట్టి హిట్ రేంజ్ పెరుగుతుందేమో అన్న అంచనాలు గట్టిగా పెట్టుకున్నారు అభిమానులు