మహేష్‌ పొగిడేలోపు డ్యామేజ్‌ ఓవర్‌

''కృష్ణమ్మ కలిపింది ఇద్దరినీ సినిమా చూశాను. సినిమా చాలా బాగుంది. ముఖ్యంగా సుధీర్‌ పెర్‌ఫార్మెన్స్‌ ఇరగదీశాడు. ఎంతలా ఇంప్రూవ్‌ అయ్యాడంటే.. వావ్‌ మైండ్‌ బ్లోయింగ్‌'' అంటూ ట్వీటేశాడు సూపర్‌స్టార్‌ మహేష్‌ బాబు. అయితే మహేష్‌ బాబు ట్వీట్‌ వేసేలోపు జరగాల్సిన డ్యామేజ్‌ జరిగిపోయిందే అంటున్నారు సినిమా పండితులు.

కన్నడ రీమేక్‌గా వచ్చిన ''కృష్ణమ్మ కలిపింది ఇద్దరినీ'' ఇక్కడ కూడా పెద్ద హిట్టవుతుందని అందరూ ఊహించారు. పైగా సుధీర్‌ బాబు, నందితల పెయిర్‌ సూపర్‌ హిట్‌ ప్రేమ కథా చిత్రమ్‌ జోడీ కాబట్టి, ఇక్కడ కూడా సేమ్‌ ఫీట్‌ రిపీట్‌ అవుద్దన్ని ఫీలయ్యారు. కట్‌ చేస్తే బొమ్మ బాగా స్లో అయిపోయింది. సుధీర్‌ పెర్‌ఫార్మెన్స్‌ బాగుందని టాక్‌ వచ్చినా కూడా అందులో సినిమా నిలబడిపోయేంత సీన్లు లేకపోవడంతో పెద్దగా జనాలకు ఎక్కలేదు. ఫ్లాప్‌ టాక్‌ వచ్చేసింది.

ఇకపోతే ముందు నుండీ మహేష్‌ బాబు ఈ మధ్యన బావను ఎత్తుకోవట్లేదేంటి అని ఫీలవుతున్న ప్యాన్స్‌ ఇప్పుడు కాస్త ఊపిరి పీల్చుకొని ఉండొచ్చు. కాని ఈ బాధంతా కాస్త ముందు పడుంటే బాగుండేదేమో. మహేష్‌ కాస్త లేటుగా ట్వీటు వేయడం వలన ఇప్పుడు కొత్తగా వచ్చే పబ్లిసిటీ ఏమీ కనిపించట్లేదు.