రాజమౌళి - మహేష్‌ మూవీ.. అదిగో పులి ఇదిగో తోక

టాలీవుడ్‌ జక్కన్న రాజమౌళి దర్శకత్వంలో రూపొందుతున్న ఆర్‌ ఆర్ ఆర్‌ మూవీ చిత్రీకరణ చివరి దశకు వచ్చింది. కరోనా కారణంగా వాయిదాల మీద వాయిదాలు పడుతున్న ఈ సినిమా ను ఎట్టి పరిస్థితుల్లో ఈ ఏడాది చివరి వరకు పూర్తి చేసి విడుదల చేయడం మాత్రం ఖాయంగా కనిపిస్తుంది. జక్కన్న సినిమా కు సినిమా కు మద్య గ్యాప్ కాస్త ఎక్కువగానే తీసుకుంటాడు. ఆర్ ఆర్‌ ఆర్‌ తర్వాత రాజమౌళి చేయబోతున్న సినిమా మహేష్‌ బాబుతో అని దాదాపుగా కన్ఫర్మ్ అయ్యింది. రాజమౌళి మరియు మహేష్‌ బాబు లు ఇద్దరు కూడా పలు సందర్బాల్లో తమ కాంబో సినిమా రాబోతుంది అన్నట్లుగా వ్యాఖ్యలు చేశారు. దాదాపు ఏడాది కాలంగా వీరిద్దరి కాంబో వార్తలు కంటిన్యూగా వస్తూనే ఉన్నాయి.

మహేష్‌ బాబును జక్కన్న రాజమౌళి ఎలా చూపించబోతున్నాడనే ఆసక్తి అందరిలో కనిపిస్తుంది. ఈ సమయంలో పుకార్లు షికార్లు చేస్తున్నాయి. చత్రపతి శివాజీ మహరాజ్‌ పాత్రలో మహేష్‌ బాబును చూపించేందుకు జక్కన్న స్క్రిప్ట్ ను రెడీ చేశాడంటూ ఇప్పటికే పుకార్లు పుట్టుకు వచ్చాయి. రచయిత విజయేంద్ర ప్రసాద్‌ అందుకు సంబంధించిన కథను కూడా సిద్దం చేశాడంటూ మరి కొందరు అంటున్నారు. మొత్తంగా ఈ సినిమా గురించి చిన్న విషయం కూడా పెద్దగా ప్రచారం అయ్యి ఇదిగో పులి అంటే అదిగో తోక అన్నట్లుగా వైరల్‌ అవుతోంది. ప్రస్తుతం ఈ సినిమా ఆఫ్రికా అడవుల్లో ఎక్కువగా చిత్రీకరించబోతున్నారు... దీన్ని ఒక విజువల్‌ వండర్ గా జక్కన్న తీర్చిదిద్దబోతున్నాడు అంటూ కామెంట్స్ వస్తున్నాయి.

రాజమౌళి ప్రస్తుతం దృష్టి అంతా కూడా ఆర్ ఆర్‌ ఆర్‌ సినిమాపైనే ఉంది. జక్కన్న ఒక సినిమా చేస్తున్న సమయంలో మరో సినిమాగా గురించి ఎక్కువగా ఆలోచించడు. కాని ఆర్ ఆర్‌ ఆర్‌ కు కరోనా వల్ల ఎక్కువ బ్రేక్ వచ్చింది. దాంతో ఆ సమయంలో మహేష్‌ బాబు కోసం కథను రెడీ చేశాడని మాత్రం ఇండస్ట్రీ వర్గాల ద్వారా అందుతున్న సమాచారం. కాని అంతకు మించి కథ ఏంటీ.. పాత్ర ఏంటీ అనేది మాత్రం తెలియరాలేదు. జక్కన్న నోరు తెరిచే వరకు ఈ సినిమా గురించి అదుగో పులి తరహాలో పుకార్లు పుట్టుకు వస్తూనే ఉన్నాయి. ఈ సినిమా అనే కాదు జక్కన్న ఏ సినిమా చేసినా కూడా పుకార్లు ఇలా పుట్టుకు రావడం జరుగుతూనే ఉంటుంది.