వన్ అండ్ ఓన్లీ మహేష్ బాబు

నవతరం సూపర్ స్టార్ మహేష్ బాబు అరుదైన ఘనత సాధించాడు. ట్విట్టర్లో 3 మిలియన్ ఫాలోవర్ల మార్కును అందుకున్న తొలి తెలుగు హీరోగా మహేష్ బాబు రికార్డు సృష్టించాడు. సోషల్ మీడియాలో మహేష్ బాబు ఫాలోయింగ్ గురించి కొత్తగా చెప్పాల్సిన పని లేదు. ట్విట్టర్లో యాక్టివ్ గా ఉండే టాలీవుడ్ బడా స్టార్లలో మహేష్ ముందుంటాడు. చాలామంది హీరోలు అతడి తర్వాతే ట్విట్టర్లో అకౌంట్లు తెరిచి అభిమానులతో ఇంటరాక్ట్ అవడం మొదదలుపెట్టారు.

ఐతే మహేష్ కంటే ముందు సమంత రూత్ ప్రభు.. త్రిష కృష్ణన్.. శ్రుతి హాసన్ ట్విట్టర్లో 3 మిలియన్ మార్కును అందుకోవడం విశేషం. సౌత్ ఇండియాలో అత్యధికంగా ధనుష్ 4.4 మిలియన్ ఫాలోవర్లలో ఎవరికీ అందనంత ఎత్తులో ఉండటం విశేషం. రజినీకాంత్ ఫాలోవర్ల సంఖ్య 3.6 మిలియన్స్. ఐతే ఆయన లేటుగా ట్విట్టర్లోకి వచ్చారు.

రాజమౌళి ఫాలోవర్లు 2.8 మిలియన్ల మంది ఉండగా.. రామ్ గోపాల్ వర్మకు 2.7 మిలియన్ ఫాలోవర్లున్నారు. రానా దగ్గుబాటి 2.5 మిలియన్ మార్కును టచ్ చేశాడు. అక్కినేని నాగార్జున 2.2 మిలియన్ల ఫాలోవర్లతో కొనసాగుతున్నాడు. కేవలం రాజకీయ ప్రకటనల కోసమే ట్విటర్ ను ఉపయోగిస్తున్న పవర్ స్టార్ పవన్ కళ్యాణ్ 1.4 మిలియన్ ఫాలోవర్లతో ఉన్నాడు. అల్లు అర్జున్ ఈ మ‌ధ్యే మిలియ‌న్ క్ల‌బ్బును అందుకుని 1.2 మిలియన్ల దగ్గర ఉన్నాడు.


Like Us on Facebook : https://www.facebook.com/Tupakidotcom/